(پایگاه اشعارمجالس ترحیم)
کربلایی وحیدشریفی درآباد
(پایگاه اشعارمجالس ترحیم)
کربلایی وحیدشریفی درآبادشعرماندگاراستادشهریار_حیدربابا
شعر ماندگار استاد شهریار
حیدربابا دونیا یالان دونیادی
سلیمان نان نوح دان قالان دونیادی
اغول دوغوب دَردَ سالان دونیادی
هرکیم سیه هر نَه وریب آلیبدی
افلاطون نان بیر غوری آد قالیبدی
حیدربابا یولوم سن نَن کج اولدی
عمریم گشدی گَلَمَدیم گِج اولدی
هِچ بولمدیم جوانلیقیم نِجولدی؟
بولمَزیدوخ دومَدَه وار دونوم وار
ایچگینلیک وار، آیریلیخ وار، اولوم وار
حیدر بابا گون دالیوی داغلاسین
اوزون گولسین بولاخلارین آغلاسین
اوشاقلارین بیر دسته گول باغلاسین
یل گلنده یولا گَتیسین اویانـا
بلکه منیم یاتمیش بَختیم اویانـا
حیدربابا گویلر بوتون دوماندی
گونلریمیز بیر بیرین نن یامان دی
بیر بیروزدَن آیریلمیون آماندی
یاخشیلیغی الیمیز دَن آلیبلار
یاخشی بیزی یامان گونَه سالیبلار
دِنن منیم شاعر اوغلیم شهریار
بیر عمریدی غم اوستینده غم قالار
مجلس چهلم مادر_شعرترکی
مجلس چهلم مادر(شعرترکی)
قرخ گون اولدی بیزی آغلار نیه قویدون آنا جان
قاپیلاری یوزه باغلار نیه قویدون آناجان
گوزلرین یاشینی هجرانیدن اَلقان ائتدون
نیه بیزدن چکوب ال بیله شتابان گئتدون
دست گلچین اجل کی سنی بیزدن آلدی
خانمانون داخی بی نور و صفاسیز قالدی
گُلسِتانه یتیشن اولماسا خاکیله دولار
باغبان ئولسه گُلُستان پوزولار گُلده صولار
نجه گور اگنیده رختی قارالوب گُلَّلریوون
نجه گور رنگی صولوبدی سارالوب گُلَّلریوون
نجه گور دست اجل توپراقا جسمون بلدی
نجه گور آغلامیانلار سنه گوز یاش الدی
گلدی زینبده حسین قبرینه آغلار گوزیله
قارداشین کوینگی الده ، ئورک اودلی سوزیله
شعرترکی پندیات
شعر ترکی پندیات
یاز قلم کیمسیه عالمده توان قالمیاجاق
عمرونون صُبحه کیمون شمعی اونون یانمیاجاق
تک حسیندی اونون عاشقلری محشرده بیلون
آیری بیر کیمسیه مولا جانی یالوارمیاجاق
ایکی دنیا بوئی انساندان عزیزیم بونی بیل
بیر عمل یاخچیلیق انسانلارا دائم قالاجاق
کیم حسین ابن علینون اتگیندن دوتسا
لنگ اونون نوکری بیر ذرّه داخی قالمیاجاق
عشقنه قربان اولا دهریده دیوانه‌لری
بیری سینه ووراجاقدی بیرسی باش یاراجاق
بیری قربان کسه‌جکدی بیرسی قاره گیور
بیری‌ده شمع فراقنده عزیزیم یاناجاق
هیچ کیمون صُبحه کیمون دوزدی چراغی یانماز
عالمی یعنی حسین عاشقی باشدان آتاجاق
گل حسین مجلسینه طالب جنّتسن اگر
گوزیاشی باغ بهشتی بیلورم من آلاجاق
وای اونون حالینه دنیا طلب اولسا اینانون
نه بیلور منطق و برهان نده دوز سوز قاناجاق
او کی نامحرم مولادی اونا نوحه دیمه
نوحه‌خوانین ایشیدنده سسین حتماً قاچاجاق
قوی گیده دور اولا هیچ قالماقینون یوخ ثمری
بو عزا مجلسینه روحُ‌الامین یول سالاجاق
«غمکشا» شیعه‌لرین کعبه‌سیدی کرببلا
قبری شش گوشه‌نین اطرافینی بیر گون آلاجاق
اونداکی فاطمه خلعت ویره‌جک عُشاقه
اوندا بیر عده او مأواده که حسرت باخاجاق
اونداکی گوزیاشی پرونده‌سی غمدن قوتارار
عشقیدی آدلارا جنّت یازیلوبدی یازاجاق
قلم الده کمی مولا بویورا دست قضا
یازماقی حتمیدی اوتدان قوتاروب قورتاراجاق
شاعرمرحوم حاج عبدالله رضایی(غمکش)
شعرترکی فراق مادر
شعرترکی درفراق مادر
سنسیز اولدی اورگیم غملره کاشانه آنا
گوز یاشیم زینت اولور هر گجه دامانه آنا
سونمه ای عشقی منه عمریده عزّت چراغی
منده شوقیله اولوم باشووه پروانه آنا
گنج قارونی اگروئرسه لر عالمده منه
وئرمرم بیر باخشون آند اولا یزدانه آنا
دامن همّتون اولدی بالانون معراجی
سنده آری واریمش همّت مردانه آنا
نَفَسون عین شفادور باخشون درده دوا
بیرده باخ لطفیله بو دیده سی گریانه آنا
سنیدون موج حوادثده منه ساحل اولان
دوشموشم سندن اوزاق گور نجه طوفانه آنا
آیریلق فصلی بو گُل صورتی بیر حاله سالیب
دوشموشم برگ خزان مثلی گلستانه آنا
من اوجا لدیقجا قوجالدون بو حقیقتدی ولیک
اهلی آنلاربونی، ئوزگه بیلر افسانه آنا
گجه لر یاتمامیسان تا که یاتام نازیله من
یاتمیان گوزلروین دردین آلیم جانه آنا
چوخ گجه بالش ائدوبسن قولووی صبحه کیمی
جان دئیوبسن منه ای عشقیده جانانه آنا
ایوون آباداولا ای قلب ایوین اباد ائلین
سن گیدن وقتن اولوب قلب ایوی ویرانه آنا
چوخ دوتوبسان الیمی تا که دوروب یول یئریم
ایندیده لطف ائله بو قامتی لرزانه آنا
شعرترکی برای یتیم
شعرترکی برای یتیم
گون مغربه گئدنده پریشان اولار یتیم
باد سحر دگنده هراسان اولار یتیم
بوینون اگوب بنفشه کیمی چیگنینه قویار
ابر بهار تک ولی گریان اولار یتیم
بنذر او غنچیه گل آچان وقتیده صولا
آفت یلی قروب سالا یا شاخه دن یولا
سیره چخار اورک آچیلا بلکه شاد اولا
تای توشلارین گورنده پشیمان اولار یتیم
بی مهر و بی علاقه گورر یار و یولداشین
کیپریکلری توکر یوزه حسرتله گوز یاشین
غم گوشه سینده غم دیزی اوسته قویار باشین
شمع شبانه تک ولی سوزان اولار یتیم
جرأتله قلبینون ائده بُلمز سوزون ادا
تاب ایلمز آجقلی سوزه تئز قیلار نوا
هئچ کیمسیه قوشولماز اولار غمله آشنا
فکر عالمینده دائمی حیران اولار یتیم
شاعرمرحوم انوراردبیلی
شعرترکی فراق مادر
پندیات ترکی
پندیات ترکی
بوفانی دهریده گوگلوم اقامت آختارما
بلاسی چوخدی خبیراول فراغت آختارما
ازلدن هچ بشریله رفاقت ایلمیوب
وفاسی یوخدی،مونیلان رفاقت اختارما
فنادی یوخدی بقاسی جهانون اول آگاه
سوزی آچوق یازورام من اشارت آختارما
دیوبدی حی ازل کل من علیهافان
بغیرعترت و قرآن دلالت اختارما
جهانداحقیدی شیعه بوسوزده شک ایتمه
قاپی قاپی گزوب ای دل شریعت اختارما
علی ولایتیدورحشریده جوازبهشت
بدون عشق علی کوی جنت اختارما
بگوبه منکرحیدرکه بی ولایت او
دولانماکعبه نی بیجا عبادت اختارما
علی کیمون فقرانون جهاندافکرینه قال
کرامت ایله عزیزیم خساست اختارما
علی حسینه ویروب درس عزوآزادی
علیدی مرشددین ودیانت،اختارما
علیده ماه محرم حسینه قان اغلار
توکرسرشکینی چون ابررحمت،اختارما
قراگی اگنووه سنده حسین عزاسینده
بوآیداغملی دولان شوروعشرت اختارما
عزامجالسینه سن گدنده هشیار اول
او یرده کبر وغرور و منیت اختارما
حسینه نوحه دنن واردی گررسا صوتون
جزایه فکر اله،هیاتده پاکت آختارما
یانیقلی اوخشاما دی فاطمه آناسی باخور
حسین آدیلا یزیدانه شهرت اختارما
نمازقیلمامیش اما حسینه نوحه دیمه
نمازی فوت ایلدون،اشکه رخصت اختارما
قلج آلیب اله،حتی خفاده باش یارما
دیوبدی رهبریمیز دینده بدعت اختارما
وظیفه دوربوعزاساخلاماق بیزه شیعه
مونی وسیله ایدوب مال وثروت اختارما
اوزووی هیاتووی ایلمه عبث تبلیغ
حسین مبلغی اول،عزوشوکت اختارما
اگرکه تلخیدی طبعیم دیورحقیقتدن
شیرین قلمدن عزیزیم حقیقت اختارما
حسین آدیلا اوزین مطرح ایلین کسده
نه شور وارنه شرف وار،نه غیرت،اختارما
حسینه نوحه دیورسن ریانی آت باشدان
ایشون گر اولسا ریایی،سعادت اختارما
حسینه دوز نوکر اول آسمانه فخر ایله
خدایه بنده لیگه،چوخ ریاضت اختارما
حسین نوکری والله شهانه فخرایلر
حسین نوکری اولدون صدارت اختارما
حسینچی اولماقی زینبدن اورگش ای عاقل
حسین یولونداسخی اول،قناعت اختارما
اولن زمانه کیمی سسلدی حسینیم وای
بوعشق جذبه سیدی،عشقه علت اختارما
گیوبدی رخت شهادت سلاله ی زهرا
دیارکوفیه یول سالدی زینب کبری
دیردی منده اولوم کربلاده آختارورام
یارالی نایه نوا،نینواده آختارورام
یتیم بالالارون آهی یارالی قلبی دلور
اوره ک غمینه دوا،انزواده اختارورام
حسین یارالی باشون کوفیه گلورمنیلن
سواره باشووی من ،پاپیاده اختارورام
یارالی پیکرووی نیزه اوخ ارایه آلوب
ولیک باشووی نوک جداده اختارورام
جدایه باخدوقیجاگوزیاشیم اولورجاری
اوره کده درده تسلا بکاده اختارورام
جداده وارنه لیاقت حسین سنون باشووا
اونازنین باشی طشت طلاده اختارورام
جفالی کوفه نون اهلینده یوخ وفاقارداش
گزوبله طی و طریق جفاده،اختارورام
گرکدی کوفیه جک گوزیاشیم حسین قوریا
سنه قان اغلاماقی اختفاده اختارورام
من اغلیاندااگرگورسه کوفه نون اهلی
سیناروقاریم اومحنت سراده،اختارورام
گرکدی اگمیه باش ظالمه باجون زینب
بلا و درده اولا ایستاده،اختارورام
بوغملی قافله ده آیری بیر ابالفضلم
شکوه عشقی حسین فوق العاده اختارورام
اگرچه قارداشیمی ییخدی بیرعمودآهن
عمودآهنی منده هواده آختارورام
عمود اولمادی نیلک شکسته محمل وار
یارام بو باشیمی بیر راه ساده اختارورام
بلی دیدیم سنه من هرغمه شریک اولدوم
صفانی منده طریق وفاده اختارورام
یقیندی کوفه لیلر گورسه خارجی دیه جک
من ایندیدن شرفیمه اعاده اختارورام
دینده خارجی،قارداش جداده قرآن اوخی
جلا بوروحیمه وارخوش نواده،اختارورام
نقدری داش ویرالارسینه می سپر ایده رم
مقاومم قدریلن قضاده،اختارورام
زیادون اوغلونی تختدن حسین یره سالام
اونانجیب اولا ازپافتاده،اختارورام
دیارکوفیه ویرام وقاریلن پرچم
اگرچه یوخدی دیزیمده قواده،اختارورام
یقیندی کوفه ده قالمام دمشقه گتمه لیم
یزیدی خوار ایده رم با اراده،اختارورام
ویراندالبلرووه خیزران اوشوم و دنی
چاغوررام اوندا ابالفضلی داده،اختارورام
یزیدی من ییخارام سن منی دعا اتسون
بوفتح بابی لبونده دعاده اختارورام
حجازه گتمه میش اول مزارووه گللم
دوای دردیمی خاک شفاده اختارورام
فقیر(ناعمم)ای زینب فرشته سیر
جزایه توشه بوباب سخاده اختارورام
قیامتون گونی قویماذلیل اولام زینب
سنون شفاعتووی من جزاده اختارورام
شعرترکی بی وفایی دنیا
شعرترکی بی وفایی دنیا
دقیقه لر قوتارار ماه وساله آلانما
گئجه گونوز دولانار صبحده مساده گئدر
آتا آنان نه قدر ئولمیوبله زنده دیلر
آماندی قدرینی بیل آتا آناده گئدر
اولار که عمریده سنلن همیشه باهمدی
وفا چراغی گئچر یار وآشناده گئدر
طبیعتین ایشیدی یاری یاریدن آییرار
وصال هجر دونر عشق ماوراده گئدر
جوانلیقیندا ولی اولما زور وه مغرور
قولین گوجی آزالار جسمدن قواده گئدر
زمان یلی چمن عمری تارومار ایلر
گله تبسم ائدن چهره دن صفاده گئدر
گوزل دیوبله گوزلیک گوزللره قالماز
دونر قیافه آیا بنزین لقاده گئدر
علامت قوجالیقدی باشین توکی آغارار
ئوزون اتی قریشار حسن دلرباده گئدر
اولار که زمزمه ایلله لحن دلکشیله
طنین سس آزالار صوت دلگشاده گئدر
دوشر ایاقدان اگر قهرمان عالم اولا
دوراندا دیزلر اسر الده کی عصاده گئدر
ئولوم توزی گوزه پرده چکر قولاق توتولار
نفس شماره دوشر دل دورار صداده گئدر
صاقا صولا نگران هی باخار بیرین تانیماز
ایکی گوزی دورانه دوشر ضیاده گئدر
اجل کمینده گزیر بیرخبر اوتورماگیلان
یاخاوی دوتسا ئولوم گاه التجاده گئدر
حلال چورک قازانیب یه حرامه آلانما
آغیزدا طعم دونر لذت غذاده گئدر
آزا قناعت ائله چوخ باشا بلا گتیرر
میانه رو یاشا مفلسده اغنیاده گئدر
تومنی بش قرانا وئرمه ارزشی یوخدی
نه تک الینده کی پول یغدیغین رباده گئدر
بیر آغ کفندی سنه قسمت اولسا مالیندن
که یعنی ثروت بی حد وانتهاده گئدر
چالیشما وارثه حد شریعتی گوزله
بوله له وار یوخی نقره وطلاده گئدر
عیالین آغلاسا بیر گون اورکدن آغلیاجاق
ایکیمجی گون کسیلوب ناله ونواده گئدر
دونر اوچومجی گونه آغلاماق سسی کسیلر
بساط غم یغیشوب مجلس عزاده گئدر
ائلیکه هفته ده گئچدی ایاق چکر قونشی
یواش یواش داغیلیب خویش واقرباده گئدر
زمانه دفتریوی ،،سوته دل،،ائدرپاره
سینار یازان قلمین شعریدن جلاده گئدر
شعرترکی درفراق فرزند
شعرترکی درفراق فرزند
جهاندا گورمسون هیچ بینوا اوغول ئولومی
هزار درد سالار ای بصاء،اوغول ئولومی
بلی آتا گوزونه صبحی تک ضیاء دی اوغول
گوزونده نور، دیزینده بیوک قوادی اوغول
آتا قوجالسا الینده گوزدی عصادی اوغول
ویر آتانین الینه عصا اوغول ئولومی
سوال ئولوندی بو سوز خاتم رسالتندن
ندی مصیبت اعظم هامی مصیبتدن
به فوری گوزلری ایسلاندی اشک حسرتدن
بویوردی قلبه ورار چوخ یارا اوغول ئولومی
شعرترکی پندیات
شعرترکی پندیات
او کس که دائم ایدر ادّعای انسانی
گرکدی اولمیا اوندا هوای حیوانی
دیوبدی حضرت مولی المُوَحّدین علی
موحّدینه گوزل طرزیله بو عنوانی
خدای عَزَّوَجَل ایله مَرده رحمت ایده
بُوله که قدری ندور بی غرور نفسانی
حدون دن او اگر چخسا تیز اولار رسوا
قالار فقط اونا عالمده خانه ویرانی
عزیزیم آز حسد ایله دولاشما اوزگه لره
حَسَد گناهه چکر ضایع ایلر انسانی
عدالتیله دانش گور نقدر علمون وار
بوش ادّعا سنه وئرمز مقام بالانی
اویان بویاندا چالشما یخانماسان بُولَه نی
ولی بُولن بولوری سنده واردی نادانی
دانش او بولدوقوون قدری سالما گوزدن ئوزون
نه علمیله ائدوسن ادّعای عرفانی
سنون واروندی گوزل طبعیله گوزل قلمون
گل استفاده یتور خلقه گزمه پنهانی
اؤزون ادیب سوزون زینت کتاب ادب
ندن حضوریوه مانعدی نفس شیطانی
تکبر ایلمه گئت اهل شعر مجلسینه
او لعل لبلرون آچ ایله گوهر افشانی
سوزون سوز اولسا اگر اوردا مشتری چوخدور
آلاللا قیمت بالایه یاخشی کالانی
هامو تانور سنی مجلسده اَشعرُ الشُّعرا
سنه وئرلَّه او یرده مقام والانی
طلا عیارینی زرگر بولر نه آهنگر
تانور سوز اهلی سوزی اهل شعر ا نشانی
گلنموسن گر اؤزون «تائبا» او انجمنه
او بزمه گئتماقا منع ائتمه بیر مسلمانی
مرحوم تائب تبریزی
شعرترکی درمقام مادر
شعرترکی درفراق مادر
جهاندا هر بالانین حالینه یانان آنادی
بالاسینون غم و فکرینده باغریقان آنادی
نه زجریلن بجرر چون بالانی بطنینده
که دوقوز آی گورسن حالی چوخ یامان آنادی
اَکَر او بذر محبت همیشه قلبینده
بالاسینا هامیدان چوخلی مهربان آنادی
کلید درگه جنت ایاقی آلتیندا
که شان و مرتبه سی عالمه عیان آنادی
جهانی آختاراسان گر تاپانماسان مثَلون
جهاندا تکدی خدا بیرده تک اولان آنادی
به سان شمعیدی گویا یانار اوشاقلارینا
گچنده عمری اولان قامتی کمان آنادی
گجه یاتار هامی اما بالاسی یاتماسا گر
آلوب قوجاقه اونا لایی لای چالان آنادی
نقدری طفلینه خاطر اویاق قالار گجه لر
مریض اولا بالاسی گوز یاشی آخان آنادی
ایاق دوتار بالاسی دیل آچار آنا سویونر
دوتوب بالانی الیندن دولاندیران آنادی
گله نه حادثه فوراً سِپر ایدر اوزونی
بالاسینین یولونا جانینی قویان آنادی
الهی گورمیه هیچ بیر آنا بالا غمینی
که گورسه اوندا داخی دنیادان دویان آنادی
بولار مقدمه شعریمدی یازدیم هر آنایا
ولیک قصدیم ایکی باغریقان اولان آنادی
یازیم ایکی آنانون دفتره اورک سوزونی
که کربلاده بیری غنچه سی سولان آنادی
آقام حسین خانیمی اصغرون آناسی رباب
ئولونجه هر گجه گوندوز اولوبدی قلبی کباب
منایه یوللادی بیر آلتی آیلی غنچه سینی
قیتمیوبدی بالاسی اوجاتدی ناله سینی
نه گوردی بیر بالاسین نه اونون جنازه سینی
چوخ ایستیردی اقلاً اوپیدی یاره سینی
اوتورمادی بو خانیم بیرده سایه آلتیندا
دوراردی گون قباقیندا سوسوز عزالی آنا
بیله دیردی که سو ایچمیین بالام لای لای
دگنده تیر سه پر قان ایچن بالام لای لای
اورکده چوخدی سوزیم بیرفقط بونی دی منه
نه لر چکیبسن اوغول اوچ پر اوخ دینده سنه
دیورله دگسه اگر اوچ پر اوخ چیخار دالیدان
نه حاله قالدین علی جان آنان سنه قربان
داخی بو قدری غمه گلموری اورک دوزومه
دییدی اوچ پر اوخ ای کاش منیم ایکی گوزومه
گورنمدیم بالامن هیچ سنون دیل آچماقیوی
ایاق دوتوب یرییب بیر قاباقدا قاچماقیوی
سنون محبت وعشقین اورکده اکمیشدیم
نقدری نقشه سنه من خیالی چکمیشدیم
ایکیمجی غملی آنا اول وفالی ام بنین
بِجَتّدی دورد اوغول ایتدی حسینه یارو معین
وریب به عشق حسین دورد اوغول فدا بو خانیم
اولونجه گونده بقیعده قوروب عزا بو خانیم
بقیعده دورد دنه قبری تجسم ایلردی
مدینه اهلینی او غرق ماتم ایلردی
ایله سیزیلدیوب اوخشاردی بو عزالی آنا
گیچنده دشمنیده باشلیاردی آغلاماقا
دیورله بیر گون اویولدان گیچنده چون مروان
گورور سیزیلدی سسی قوزانور بقیعده هرآن
دیوبدی خادمینه گیت سوروش کیم اوخشیوری
که بیله اوخشاماقی قلبیمی چوخ اودلیوری
باخوبدی خادمی فوراً دیوب امیر زمان
ابوالفضین آناسی اوخشیور بقیعده هرآن
دیوبدی مروان ایله حقی واردی اوخشاماقا
نجه که دورد اوغولون داغینی چکیر بو آنا
دیورله ئولسه اوغول قالسا یادگاری اگر
آنا قوجاخلار اونی گوزیاشون به فوری الر
چیخاندا گون او بقیعده عزانی ساخلاردی
باتاندا گون یتوشوب مشکینی قوجاخلاردی
دیردی قانلا دولان گوزلرین فداسی اوغول
اودوغرانان اوجا بوی پیکرین فداسی اوغول
دیورله کربلادا سالدیلار ایکی قولووی
خیامه ساری گلنده کسدیلر سنون یولووی
ووروبلا مشکیوه بیر اوخ بیر اوخدا ساغ گوزیوه
سوچوللره آخونوب قان یاشون گوزل اوزیوه
ووروبلا پیکریوه یاره یاره اوستن اوغول
باشون عمود یاراندا نه لر چکیبسن اوغول
قولون یوخویدی که شمشیریوی اله آلاسان
ویا دوشنده یره قوللارین یره قویاسان
یقین دوشنده یره گل اوزون ترابه دوشوب
اوقانلی لبلرین اوغلوم چوخ التهابه دوشوب
قولون اولیدی سنی بیر نفر یخانمازدی
گلنده خیمیه اوخ مشگیوه وورانمازیدی
اوقدری موضع تیر وجراحت اولمازدین
سوخیمیه یتیرردین خجالت اولمازدین
شعرترکی درفراق پدر
شعرترکی درفراق پدر
گیر قراسین اولار خونجگر آتاسی ئولن
دوتار عزاتوکراشک بصر آتاسی ئولن
آلار کنارینی اقوام ویارو یلداشی
شرار غمده یانارسربه سر آتاسی ئولن
جنازه نی آپارالار جلالیلن قبره
زمان دفنده اشکین توکر آتاسی ئولن
قرارورسمیدی اسلامیده امام زمان
قاپی آچار گلن اشخاصه هر آتاسی ئولن
گلن تسلی ویررقلب زارین اینجیتمز
اورکدن اینجیدی چوخ بیر نفر آتاسی ئولن
امام زین العبا جدیوی آقا دیورم
قالار اوتون آراسندا مگر آتاسی ئولن
حسین جنازه سی اوچ گون قالب قوری یرده
گدوبدی جبریله شامه آتاسی ئولن
نه قویدیلارقویاقبره نه قویدیلاردتایاس
گدنده سالدی منادن گذر آتاسی ئولن
باخوب دئدی بابا باشسیز جنازوه قربان
ائدرفغان سنه شام وسحر آتاسی ئولن
دیارکوفیه من عازمم خداحافظ
اسیر دشمن اولوبدور گدر آتاسی ئولن
گلوب ئوزوم قویارام قبره جسم اطهریوی
یاتار سینونده سوسوزصود امر آتاسی ئولن
سبک زیبابرای مجلس جوان ناکام
اوخشاما برای مجلس جوان
( دختر و پسر ناکام )
سبک : آخشام اولدی ننه ... همه جا بروم
شاعرسیفی آذری
آی گوزل جوانیم
طاقتیم توانیم
نازلی مهربانیم
بیلمدیم عمرون گولی سولارمیش
جوان ئولومی چتین اولارمیش
بیگانه آغلادی
ائل ماتم ساخلادی
هجرون دل داغلادی
دنیادن آخر جوان گئدوبسن
گوز یاشیمی سن القان ائدوبسن
جانه اود سالوبسان
نه تئز آیریلوبسان
هاردا بس قالوبسان
نه تئز عمریوون چراغی سوندی
طویون آی بالا عزایه دوندی
دست اجل نئودوب
جسمون قبره گئدوب
فلک جفا ائدوب
سن طوی گورمه میش قبره گئدوبسن
منی هجرونده نالان ائدوبسن
مختص دختر جوان
دئدیم طوی ائدرسن
مراده یتر سن
حجلیه گئدرسن
نه طویون گوردوم نه شیرنون ایشدیم
خلعت یرینه کفنون بیشدیم
شعرترکی عبرت نامه
شعرترکی عبرتنامه
ای بشر،عالمه سلطان اولاسان گیتمه لی سن
صاحب مُلک سلیمان اولاسان گیتمه لی سن
بیر تَفَکُّر ایله گور خلقتیوین سِرّی ندی
خاک تیره،مه تابان اولاسان گیتمه لی سن
عُمر نوح اولسا نصیبون بو فنا دنیاده
شُهره ی عالم امکان اولاسان گیتمه لی سن
مسخره ایلمه گولمه بیرینین صورتینه
حُسنوده یوسف کنعان اولاسان گیتمه لی سن
قالمادی حضرت موسایه ده فانی دنیا
طور سیناده نگهبان اولاسان گیتمه لی سن
مصطفی تک بشره دنیا وفا ایلمدی
ختم پیغمبره دربان اولاسان گیتمه لی سن
هانی گور فاتح خیبر کیمی شیر غزوات
موهبتده شه مردان اولاسان گیتمه لی سن
گور یزیدی اولوسان یا که طرفدار حسین
دشمن و حامی قرآن اولاسان گیتمه لی سن
چوخدا فخر ایلمه ئوز دولتیوه قدرتیوه
دهریده رستم دستان اولاسان گیتمه لی سن
قویما مغرور ایلیه چوخدا سنی پُست و مقام
آمر و تابع فرمان اولاسان گیتمه لی سن
متواضع بشر اُول، اولماگیلان اهل غرور
نه قَدَر فخریلی انسان اولاسان گیتمه لی سن
اللها ایله عبادت نه قَدَر وار نفسون
طالب و مُنکِر ایمان اولاسان گیتمه لی سن
گیدیسن مَکّیه گل حرمتینی حفظ ایله
میشه قربان حاجی قربان اولاسان گیتمه لی سن
منظوریم بیر بیله سوزدن بودی ای بنده اینان
باغ عشرتده غزلخوان اولاسان گیتمه لی سن
چوخلارین چرخ فلک گولدیروب آغلار قویدی
غنچه تک عمریده خندان اولاسان گیتمه لی سن
ایندی که حقدی ئولیم محشره سرمایه قازان
صاحب مال فراوان اولاسان گیتمه لی سن
کاخ و ویلاده اوتور قبر ایوینی یادیوه سال
عاقبت خاکیله یکسان اولاسان گیتمه لی سن
اجلین وقتی یتیشسه قاچاجاقسان هایانا
عازم دشت و بیابان اولاسان گیتمه لی سن
هارا گیتسون سنی بیرگون تاپاجاخ عزرائیل
یرین آلتیندا دا پنهان اولاسان گیتمه لی سن
شعرترکی پندیات
شعرترکی عبرت نامه
شعرترکی عبرت نامه
ای بشر بیل که بو دنیا سنه یار اولمیاجاق
دار دنیاده قوناقسان سنه دار اولمیاجاق
دویمادون بیرجه بو دنیاده گرگ اویمیاسان
بیلمدون که سنه دنیاده قرار اولمیاجاق
بیلمدون که سنی آلله نیه خلق ائتمیشدی
بنده مست اولسا رضا ذات کبار اولمیاجاق
بشرین فلسفه خلقتی جدیتدی
او که غافلدی اونا لطف نگار اولمیاجاق
بش مین ایل عمر ائده سن سجده ده دائم قالاسان
ذره جه اولسا ریا اوندا عیار اولمیاجاق
تک نمازیله اوروجدان سنه ایمان چیخماز
دوزدی ایماندی٬ ولی لایق یار اولمیاجاق
اصل ایمان اودی هر درسده نمره الاسان
بیر گل آچماقلا مثلدور که بهار اولمیاجاق
مردمین حقینی غصب ائت صورا سال سجاده
بئله سجاده سنه حایل نار اولمیاجاق
اولماسا مؤمن اگر ئوز عملینده عارف
باشه مین ایل ویرا مولا اونا یار اولمیاجاق
اوخی بیر زندگی (بلعم باعورانی)
ائله طاعت ائله سون لیل ونهار اولمیاجاق
ایکی یوز ایل یخیلوب سجده گهه قیلدی نماز
هامی سویلور بونا قبرینده فشار اولمیاجاق
ولی قبر قویولاندا یوخودی ایمانی
بلی باورده یقین اولماسا ٬بار اولمیاجاق
هامی مسئولیدی٬ رهبردن الی سربازه
اَل اله وئرمسه٬ ملتده وقار اولمیاجاق
گر علی شیعه سی سن٬ قونشیوین احوالینه باخ
ئوز عیالون دئمه بو درده دچار اولمیاجاق
یئرمی قصری ائله اون بش٬ بئشینی یوخسولا وئر
اوندا باخ گور سنه گلشن او مزار اولمیاجاق
دئمه من عرضه لییم٬ نفسوی توجیه ائلمه
گَلی بیر گون سنه ده راه فرار اولمیاجاق
ایلده دورت یول گئدوسن مکیه مُحرِم اولاسان
مَحرم اول٬مُحرمِ بی مهره عیار اولمیاجاق
سن اگر مکیه گتماقدا بهشت آختاروسان
دولان ئوز شهریوی قورخما سنه عار اولمیاجاق
گجه لرگورنقدرآج بالاوارائولرده
بی ریامکه اودورفیلم نواراولمیاجاق
اوردا قوی آلله ئوزی فیلم گوتورسون سندن
ائله بیر فیلم که٬همتاسی دوبار اولمیاجاق
************
سن اگر آللها ساری ائله سون بیر حرکت
مطمئن اول وئره جکدور سنه مین بیر برکت
هرمدیرئوزباشینون اوسته یازوررشوه حرام
حق کتابین ئوزیوه شرم ائله دکّان ائلمه
اولماسارشوه بیرامضایه بیرایل قاچمالِدی
خلقی بدبین به پیغمبروقرآن ائلمه
سنی بوملت بیچاره قویورخلقه امین
آیه یازماپولی آل مردمی ویلان ائلمه
ازکتاب فرزانگان هستی
استاد چوپانی مشعل
شعرترکی درمقام مادر
شعرترکی درفراق خواهر
شعرترکی درفراق خواهر
چکور منیم اورگیم غصه دن شراره باجی
آلشدی جان ودلیم حسرتیله ناره باجی
بالالار آغلاشوری ایستیور سنی مندن
اولارا من نه جواب ایلیوم دوباره باجی
نجه دیوم ننوز اولدی بالا یتیم اولدوز
قراگونم داخی یوخدور الیمده چاره باجی
قرایر آچدی قوجاقین سنی خموش ائلدی
ایشقلی گون دولانوب دوندی لیل تاره باجی
ویروبدولارقاپونین اوستونه قرا پرچم
جوان بالالارون وار باشندا قاره باجی
منیله بیر دانش من عزالی قارداشیوان
منی سالوبدی بو اندوه وغم حصاره باجی
ئولنده قارداشینا باجی آغلاسا خوشدی
اجل اوخیلاگئدوبسن عجب شکاره باجی
شعربرای فراق مادر
شعربرای مادر
پا به پای غم من پیر شد و حرف نزد
داغ دید از من و تبخیر شد و حرف نزد
شب به شب منتظرم بود و دلش پر آشوب
شب به شب آمدنم دیر شد و حرف نزد
غصه میخورد که من حال خرابی دارم
ازهمین غصه ی من سیر شد و حرف نزد
وای از آن لحظه که حرفم دل او را سوزاند
خیس شد چشمش و دلگیر شد و حرف نزد
صورت پرشده از چین و چروکش یعنی
مادرم خسته شد و پیر شد و حرف نزد
محمدرضا تقیان ، شهرکرد
شعرترکی درمقام مادر
در مقام مادر(ترکی)
قویدون منی بو ائوده ملر، آغلارام نه‌نه
گئتدین مزاره دلده شرر، آغلارام نه‌نه
نسگللرین دوشر یادیما قلبیم اودلانار
اللر ئورکده شام و سحر، آغلارام نه‌نه
یاد ائیلر‌م سنیله کئچن گونلری مدام
هاردان او گونلریم قییدر آغلارم نه‌نه
سسلردیم هر زماندا نه‌نه، سس گلردی جان
خوش گونلریم کی یاده دوشر آغلارام نه‌نه
دردین دییر آناسینا قیز دوشسه مشکله
نیلر آناسی اولماسا گر آغلارام نه‌نه
قارداش آتا باجی هامیسی، کیمسه‌دیر ولی
واردیر آنادا آیری ثمر آغلارام نه‌نه
ائوده آتا، آنا یئری وئرمز، یقیندی بو
هر گولده وار بیر عطرِ دِگَر، آغلارام نه‌نه
گون دؤنسه آی دولانسا گلر بایرام آخشامی
بایراملیق الده گؤرسم اگر، آغلارام نه‌نه
قارداش دا گئتمسه باجی دیدارینه اگر
دیلدن مگر آناسی دؤز‌ر، آغلارام نه‌نه
هر کس گؤروب آنا داغینی یاخشی درک ائد‌ر
قلبیم ندن غمونده اسر آغلارام نه‌نه
قلبیم دولان زماندا هی سسلر‌م سنی
گلمز منه جوابِ دِگَر، آغلارام نه‌نه
اما بو آغلاماق غمِ دیگر سالیر یادا
دیل یاندیرار او غملی خبر، آغلارام نه‌نه
آغلار او غمده زینب و کلثوم، حسین حسن
آغلار او غمده چوخ نه‌نه‌لر، آغلارام نه‌نه
زینب دییردی ای آتامین یاوری آنا
ائتدین ندن بو نوعی سفر، آغلارام نه‌نه
هانسی آنا سنین کیمی گؤز یاشلی باغریقان
گؤزد‌ن آتار بالانی مگر، آغلارام نه‌نه
زینب هارا آنا بو قدر درد و غم هارا؟
هانسی ئورک بو درده دؤز‌ر، آغلارام نه‌نه
آخشام اولان زمان چراغی ائولرین یانار
قلبیم دوباره غصّه لَنَر، آغلارام نه‌نه
مرتضی علیمحمدی از اورمیه.