(پایگاه اشعارمجالس ترحیم)
کربلایی وحیدشریفی درآباد
(پایگاه اشعارمجالس ترحیم)
کربلایی وحیدشریفی درآبادسبک ترکی مجالس ترحیم
سبک ترکی مجالس ترحیم
قیزل گل اولمیادی سارالیب سولمیدی
بیرآریلیق بیراولوم هیچ بیری اولمیدی
**********
قیزون جهانی داغلیور باجون اوجادان آغلیور
یاره لی قلبی قان ننم باشینا قاره باغلیور
***********
دویمادوم سوزلروندن شیرین شیرین سوزوندن
بیلسیدیم آیرلارسان اوپردیم گوزللروندن
*************
دوستان وهمکاران محترم باسلام.
کپی و دالنود فقط با ذکرصلوات به
روح مرحوم محمدشریفی بلامانع میباشد
شعرترکی درفراق همسر
شعرترکی درفراق همسر
ای همسریم منی دیده تر ائتدون
نه کام آلوب نه بیر مراده یتدون
ئولینجک بو غم منی یاندیرار
قبر ائوینه قلبی شکسته گئتدون
********
ای همسریم شمع بزمی آلشدیر
کوسوب منلن گونلون اگرباریشدیر
فبرون اوسته دردون منی گتوروب
گوز اچ بیرده من زاری دانشدیر
********
ای همسریم گوزوم قربان گوزوه
چوخ حسرتم شیرین شیرین سوزوه
از بسکه سن منه محبت ائتدون
محشرده ده باخنمارام یوزوه
*******
ای همسریم قلبیم غمدن سخلدی
بخت اولدوزوم مداریندن چخلدی
سندن صورا جهاندا من نیلرم
یامان گونه قالدیم ائویم یخلدی
ئولینجک بو غم منی یاندیرار
قبر ائوینه قلبی شکسته گئتدون
********
ای همسریم شمع بزمی آلشدیر
کوسوب منلن گونلون اگرباریشدیر
فبرون اوسته دردون منی گتوروب
گوز اچ بیرده من زاری دانشدیر
********
ای همسریم گوزوم قربان گوزوه
چوخ حسرتم شیرین شیرین سوزوه
از بسکه سن منه محبت ائتدون
محشرده ده باخنمارام یوزوه
*******
ای همسریم قلبیم غمدن سخلدی
بخت اولدوزوم مداریندن چخلدی
سندن صورا جهاندا من نیلرم
یامان گونه قالدیم ائویم یخلدی
شعرترکی برای فراق پدر
شعرترکی برای فراق پدر
گوزمون نوری آتا،ترک ائلدون دنیانی
ایلسون الله اوزی قبر ائووی نورانی
قورولوب مجلس ماتم سنه چوخ عزتیلن
گلدی مومنلر اولوب مجلسیمیزعرفانی
ذکر ائدور دیل دوداقیم قادرالرحمانی
سن ئولن لحظه چراغیم ائله بیل اولدی خموش
داخی گورمز بیری خندان آتا بو نالانی
سن گوزل جاه وجلالیله گئدوسن قبره
گون قباقینده قالوب کرب وبلا سلطانی
قورولوب مجلس ماتم سنه چوخ عزتیلن
گلدی مومنلر اولوب مجلسیمیزعرفانی
ذکر ائدور دیل دوداقیم قادرالرحمانی
سن ئولن لحظه چراغیم ائله بیل اولدی خموش
داخی گورمز بیری خندان آتا بو نالانی
سن گوزل جاه وجلالیله گئدوسن قبره
گون قباقینده قالوب کرب وبلا سلطانی
اوخشامابرای فراق خواهر
اوخشامابرای فراق خواهر
گل آی قارداش ائشیت غملی سوزومی
اورگشمیشم یامان گونده دوزومی
چوخ ایستورم جان وئرن ساعتیمده
باغلیسان ئوز الونله گوزومی
***************
گل آی قارداش ائلدن آرالی اولدوم
هارا لیدیم ایندی هارالی اولدوم
خوش گون بو دنیاده باجون گورمدی
اوچی ووردی یامان یارالی اولدوم
****************
گل آی قارداش گللر کیمین سولموشام
بلوط کیمین غصه لرده دولموشام
هاردا قالوب وفالی قارداشلاریم
جان وئرنده نجه یالقوز اولموشام
****************
گل آی قارداش گوزلیورم یولووی
آختارور گوزلریم ساغ و صولومی
سن بیلوسن قلبی سنیق باجووام
جان اوسته گل سال بوینوما قولوی
***************
گل آی قارداش بوسینمی داغلا گیت
آیری دوشن ائللر کیمین آغلا گیت
زحمتیم چوخ اولسا منی باغشلا
بولدا قالان گوزلریمی باغلا گیت
شعربرای فراق برادر-ترکی
شعربرای فراق برادر-ترکی
یاخشی قارداش رسمیدی ایلرفداجان قارداشا
گوزلریم اولسون ایکی دنیاده قربان قارداشا
دوزدی محکم سدی طغیان ایلسه سیل سیندیرار
دال دالا وئرسه قوی دل دشمنی ائل سیندیرار
بیر فقط دنیاده قارداش داغیدی بل سیندیرار
قارداشی ئولسه یوخ فنا دنیاده قربان قارداشا
سیندیرار سوز یوخ اگر محکم وریلسا داش داشی
وار یری توجیهه گر ترک ائتسه یولداش یولداشی
تک ولی قویماز یامان گونلرده قارداش قارداشی
احتیاجون وار یامان گونلرده هر آن قارداشا
باغبانون محنتی گلشنده برگ زردیدی
آیریلق هر زندگیون غملی فصل سردیدی
تزقوجالدان دهریده انسانی قارداش دردیدی
هر مصیبتدن چتیندی درد هجران قارداشا
دوزدی سودای محبت هر بلالی باشدادی
بیربیرینه اوخشاری قارداشلارون گوز قاشدادی
جان وئرنده قارداشون حسرت گوزی قارداشدادی
حسرتیله چوخ باخار جان اوسته گریان قارداشا
عاشق وارسته جانان اولان باشدان گچر
سوز آهی گور نجه تاثیر ائدر داشدان گچر
کیم حسین تک شیردل غیرتلی قارداشدان گچر
ائتدی فرمایش گوزوم قربان بو عطشان قارداشا
سبک زیبای ترکی برای فراق مادر
سبک زیبای ترکی برای فراق مادر
آناجان دور ایاقه قبرون اوسته بالاوی بیردیندیر
گلمیشم زاروخسته قبرون اوسته بالاوی بیردیندیر
ماتمونده یاندی دیلیم دورایاقه سیندی بلیم
من دوشنده دردسره بیر سنیدون آخارام الیم
گوز آچ پریشانم غریب ونالانم
مزارون اوستونده عجب نواخوانم
گلمیشم زاروخسته قبرون اوسته بالاوی بیردیندیر
ماتمونده یاندی دیلیم دورایاقه سیندی بلیم
من دوشنده دردسره بیر سنیدون آخارام الیم
گوز آچ پریشانم غریب ونالانم
مزارون اوستونده عجب نواخوانم
**********
دینجلدون سن بودنیادن ولیکن قیزون قالوب تنها
داغلیدی آشیانیم گئتدی یاریم آناسیزم آنا
دور ایندی قیزوا باخ آغلیان ایللر باخ
بالالارون باشینا گلن بلالره باخ
گوز آچ پریشانم غریب ونالانم
مزارون اوستونده عجب نواخوانم
دینجلدون سن بودنیادن ولیکن قیزون قالوب تنها
داغلیدی آشیانیم گئتدی یاریم آناسیزم آنا
دور ایندی قیزوا باخ آغلیان ایللر باخ
بالالارون باشینا گلن بلالره باخ
گوز آچ پریشانم غریب ونالانم
مزارون اوستونده عجب نواخوانم
***********
دوستان وهمکاران محترم باسلام.
کپی ودالنود فقط باذکر صلوات به
روح مرحوم محمدشریفی بلامانع میباشد
سبک ترکی برای فراق پدر
سبک ترکی برای فراق پدر
بودنیاده گورمین خوش گون ای گونی قاره یات بابام لایلای
گیدن قبره اولمیان آخر دردینه چاره یات بابام لایلای
غمی باشدان آت بابام لایلای
چالیم ایندی یات بابام لایلای
آه وواویلا
*********
بودنیانون رنج و دردیندن راحت اولدون سن مقصده چاتدون
بیزی آخر قویدون آواره تپراق آلتیندا دیده تر یاتدون
غمی باشدان آت بابام لایلای
چالیم ایندی یات بابام لایلای
آه وواویلا
**********
الی قوینوندا اورک داغلی دیده تر شیرین دیل لرون قالدی
قالوب ایندی زارودل خسته قیزلارون آغلار یات بابام لایلای
غمی باشدان آت بابام لایلای
چالیم ایندی یات بابام لایلای
آه وواویلا
****************
دوستان وهمکاران محترم باسلام.
کپی و دالنود فقط با ذکر صلوات به
روح مرحوم محمدشریفی بلامانع میباشد
سبک جدیدترکی-فراق پدر
سبک جدیدترکی-فراق پدر
گوزل باباغریق محنتم من تشنه مهر و هم محبتم من
منه خاطردنیاده تزقوجالدون حشره کیمین سندن خجالتم من
جهانداگوهریم لایلای باباجان
امیدوسروریم لایلای باباجان
غم ومحنت منی دلدن سالاجاق چاره می حشره جک الدن آلاجاف
راحت اولدون سن بودنیایوزوندن حسرت گوزوم یولدا بابا قالاجاق
جهانداگوهریم لایلای باباجان
امیدوسروریم لایلای باباجان
گجه گوندوز یانوب دلدن ملرم اورک قانین سنسیز یوزه الرم
بیرلحظه من ائوده قالا بیلمورم بوش یروه باخان وقته نیلرم
جهانداگوهریم لایلای باباجان
امیدوسروریم لایلای باباجان
**************
دوستان وهمکاران محترم باسلام.
کپی و دالنود فقط با ذکرصلوات به
شعربی وفایی دنیا-ترکی
شعربی وفایی دنیا-ترکی
اویما دنیایه عزیزیم که دل و جاندا گئدر
بو فنادهره گلن سویگلی انساندا گئدر
اجلین صرصری قویماز قالا دیار بشر
اسر آخرده گل و باغ و گلستاندا گئدر
سندیرار گردن و بازوی قوی پنجه لری
قالماز آخرده یقین رستم دستاندا گئدر
تیره تپراقه گوزل صورتی مدفون ائده جک
صورت وسیرتی خوش یوسف کنعاندا گئدر
بیر کفنن قویاجاقلار قره تپراقه سنی
اجلین حکمینه باخ سائل و سلطاندا گئدر
وارث اولسون گوزلیم ملک سلیمانه اگر
بوش قالار آخر الون ملک سلیماندا گئدر
شعربی وفایی دنیا-ترکی
شعربی وفایی دنیا-ترکی
دهره دل ویردیم ولی هرگزوفاسین گورمدیم
باغریمی قان ایلدی اما بقاسین گورمدیم
هرگیجه گوندوز چالشدیم کام آلام بو، دهریدن
دمبدم گوردیم جفاسین هیچ وفاسین گورمدیم
گوز قباقینده بزندی زال عفریت جهان
کام آلان عشاقینون بیردم صفاسین گورمدیم
چوخ یامان حاله سالارمیش عاشق دلخسته سین
هیچ زمان عشاقینه خیر و دعاسین گورمدیم
چوخ سون جاه و جلالی عاقبت رسوا اولوب
بو فنالی عالمون غیر از فناسین گورمدیم
بیرگوزآچ دقتله باخ ئوزاهلینه گور نیلیوب
سویله بو دارفناهنون من بقاسین گورمدیم
شعربی وفایی دنیا-ترکی
شعربی وفایی دنیا-ترکی
ای دل نقدر دهریده طغیان ائده جکسن
دنیایه گوره ترک سر و جان ائده جکسن
بیرسویله منه جوش وخروشون ندورای دل
بحر هوسی بیله خروشان ائده جکسن
دلده (دیلگون)گور نجه دریاسی دریندور
امواجلی دریا کیمی طوفان ائده جکسن
بو دار فنادور که بقا ائتمه تمنا
آخرده امل قصرینی ویران ائده جکسن
اسکندر و دارایه وفا ائتمدی دنیا
هاردان هوس چشمه حیوان ائده جکسن
دنیا ئوزی باشدان باشا اندوه و بلادور
سویله نه زمان دردوه درمان ائده جکسن
کیم کام آپاروب دلبر فتانه دن ای دل
سن بیله ئوزون واله وحیران ائده جکسن
شعربی وفایی دنیا-ترکی
شعربی وفایی دنیا-ترکی
قالمیوب بیرکسه اجلال جهان قالمیاجاق
اجلین پیکی گلن وقتیده جان قالمیاجاق
چاتاجاق عاقله ده جاهله ده نوبت مرگ
آری آری ئولجک پیر و جوان قالمیاجاق
بشرون گل کیمی آخرده یوزی صولمالیدی
پیر وقتیده وجودینده توان قالمیاجاق
آلاجاق خاک سیه ،سینه سینه مردوزنی
جریاندان دوشه جک جسمیده قان قالمیاجاق
یوزونون زینتی انسانی سالار درده سره
عاشق زیبنه شور و هیجان قالمیاجاق
سرای قبر قارانلوقدی بیر چراغ گوندر
چراغ اولماسا شمع شبانه قالمیاجاق
بوعالمون نچه گوندوز قوناقیوق هاممیز
گلن قوناق گیدجک اهل زمانه قالمیاجاق
آنامقامی-ترکی
آنامقامی-ترکی
ایکی عالم صدف اولسا ، اونا گوهردی آنا
خلقتین فخـر مـباهــاتینه جـوهـردی آنا
خوش دانیشدیر یوزونی قویما گوره رنج و محن
اوپ اَلین حـرمتـیلن قیمتی یوخ زردی آنا
امرینه ایلـه اطاعـت کـه رضـا ســنن اولا
بیر دعاسی سـنه مـین سایه دی شهپردی آنا
قویما دیداریوه مأنوس اولا چوخ حسرتیلن
تابی یوخدور دوزه،هجران غمی پروردی آنا
آغلاسا قـویـماگیلان اشـکین عذاره اَلَسین
اورگـی یاره لـیـدی مـنبـع غـملـردی آنا
سنسن امّید و نشاطی ،گوزونه نـور و ضیـا
سـنسـیز اولـسا بیلوسن بیکس ویاوردی آنا
روز مادردی بو گون بیردنه گول باغلاد آپار
قویما سینسین اورگی قوش کیمی پرپردی آنا
آلگیلان گویلون اَلـه تـاج سریمسـن ده مـنیم
شـرف و عـزت و شـخصـیّـته مـظهـردی آنا
اول مواظب عملیدن اِلـه حفـظ حـرمـتیـنـی
قویما سولسون اورگی غنچه کیمی تردی آنا
دوت الینن که سنین چوخلی دوتوبدور الیوی
حاجتـیـن ایـلـه روا پـاک و مطـهـردی آنا
دوقوز آی حمل ایلیوبدور سنی بطنینده هـلـه
ایکی ایل صود وئروب آیینه ی اختردی آنا
دانیشاندا سویونـوب گـه یئرییَـنـده سویونوب
سـنی هـر صـبح مـسا عشقیله گوزلردی آنا
گه قوجاغینده سنه لای لایی گوز یاشلی دئیوب
گهی گهوارده ، شیـریـن سَسی دیلبردی آنا
اوقدر واردی مقامی نقدر یازسا قلم
گئنه ده کم گتیرور مین دَنه دفتردی آنا
بیرده حاشا گله دنیایه آنـا مثـلی بشـر
قالمیشـام من یازام آیا نَیه بنذردی آنا؟
ایستسون کوثری الله سنه اهدا ائلسون
اوپ الینن آناوین صاحب کوثردی آنا
اوپ اَیاقین سنه تا واجب اولا الماسـی
جنـت حق که سنه شافع محشردی آنا
شعرترکی درفراق پدر
شعرترکی درفراق پدر
عیار عشقی اولان عالمه عیان آتادی
صفای باطنی چون گلشن وجنان آتادی
شریک اولان بالانون دردینه یامان گونده
رفیق ویکدل وخوش خلق وخوش بیان آتادی
هانی اونون کیمی غم گونونده یاراوغولا
همیشه مونس و همراز مهربان آتادی
معلمی که اونون مهر و قهری حکمتدور
بالیا دوز یولی دائم ویرن نشان آتادی
ریاض عالمه اولادی بیر قیزل گلدور
او قرمزی گله الحق که باغبان آتادی
یانان بالا اوتونا شمع تک گیجه گوندوز
دچار اولان غم ایامه هر زمان آتادی
گلنده محنت اوخی سینه سین سپپرایلین
خطر زمانی بلی یار جانفشان آتادی
یامان گونون دایاغی هرایوین یانان چراغی
اوغول دالیندا بلی داغ کیمین دوران آتادی
دوزه بلایه فنا ، دهریده باشی آغاران
بالا غمینده اولان قامتی کمان آتادی
نقدری اینجیدسن گنه محبتی وار
شریک دردون اولوب حالوه یانان آتادی
نقدری گتمیوب الدن آماندی قدرینی بیل
بش اون گون عالمه آرا خسته میهمان آتادی
قالان دگول سنیلن دائما ،ئولوب گیده جک
همیشه لیک ایلین قبری آشیان آتادی
گیدر الوندن اونا بیرده دای الون چاتماز
دیرسن اوندا منی غصیه سالان آتادی
آتووی یاد ایله بزم عزاده سن((فرهاد))
ایدن حسینه سنی چونکه نوحه خوان آتادی
شعرترکی برای فراق پدر
شعرترکی برای فراق پدر
گلشن معرفته بلبل شیدادی آتا
گوندوزی روشن ایدن گون کیمی کاشانه لری
گیجه لر ایوده اولان ماه دل آرادی آتا
سوزلری حکمت لقمانیدی اوغلانلارینا
نفس گرمی اولان چون دم عیسادی آتا
گئجه گوندوز سنه خاطر چالشورقدرینی بیل
گل بی خار محبت کیمی زیبادی آتا
قولاق آس سوزلرینه کسب ایله سن تجربه لر
امردنیایه نچون واقف و بینادی آتا
اوپ الیندن ایاقیندان تاپاسان جنته یول
دال دالان سایه سینه شاخه طوبادی آتا
ایلیورزحمت بسیاریله تامین معاش
کمک ایله اونا نان آور تنهادی آتا
ئوزی آج قالماقینا راضیدی اماسنه یوخ
جان فدا ایلیه اولاده مهیادی آتا
مردمردانه یاپیش سنده قوجالساالینی
ضامن آخرت و زینت دنیادی آتا
شعرمقام مادر-ترکی
شعرمقام مادر-ترکی
جهاندا چهره درد آشناسی وار ننه نون
صفای باطن و بی انتهاسی وارننه نون
وفا وعشقینه حیران قالوبدی عقل بشر
نه ذره قلبیده ریب و ریاسی وار ننه نون
گوره مثالینی بیرده چتیندی کنز زمان
بهالی دور کیمین چوخ بهاسی وار ننه نون
اولده شیره جاننان غذا ویرر بالیا
دوشنده لطف خدادن غذاسی وارننه نون
ویرنده صود سالار اوغلون همیشه صول دوشنه
بو امره قلبیده چوخ اعتناسی وار ننه نون
گیجه نی صبحه کیمین هی دیر بالام لایلای
دیلینده زمزمه جان بالاسی وار ننه نون
شعرترکی فراق مادر
شعرترکی فراق مادر
نه دیللریله ایدیم محنتین بیان ننه مین
نه نوعی مهرووفاسین ایدیم عیان ننه مین
دولاندی باشیمه پروانه تک گیجه گوندوز
یانوبدی قول قنادی عشقیده یانان ننه مین
دوشنده یادیمه زحمتلری دیزیم تترر
زمانه ایتدی عجب گللرین خزان ننه مین
آلاردی جان کیمین آغوشه آغلیاندامنی
یقین اولاردی او اثناده باغری قان ننه مین
آغارتدی ساچلارینی قارلی داغلارون باشی تک
فلک بوکوب ایلدی قامتین کمان ننه مین
گیجه نی صبحه کیمین لایلای چالاردی منه
که نغمه سی کسیلوب ایندی نغمه خوان ننه مین
عجب صفالیمیش،قدرینی بیلمدیم ، کاش
اوپیدیم ال ایاقین جنت آشیان ننه مین
اجازه ویر بو سوزی زینبین دیلیجه دیوم
الی بلینده ندن قالدی نوجوان ننه مین
یاناردی شمع کیمین شعله محبتده
اولوب محبتی هر یرده جاودان ننه مین
وروبدی دشمن دین گل عذارینه سیلی
گویردی گل یوزی الله بو مهربان ننه مین
حیاسی اولمادی سیلی ویروبدی زهرایه
گورنمدوک یوزینی ظلمیلن یانان ننه مین