(پایگاه اشعارمجالس ترحیم)
کربلایی وحیدشریفی درآباد
(پایگاه اشعارمجالس ترحیم)
کربلایی وحیدشریفی درآبادسبک زیبای ترکی-فراق جوان ناکام
سبک زیبای ترکی-فراق جوان ناکام
روح روانیم اویان جسمیده جانیم اویان
آچ او قرا گوزلری شیرین زبانیم اویان
وای اوغول وای دور ای حناسی قان اولان
وای اوغول وای دور ای طویی یالان اولان
نوجوانیم
غم لباسین سویمارام آغلاماقدان دویمارام
سنی گوردوم یارالی باشا حنا قویمارام
وای اوغول وای دور ای حناسی قان اولان
وای اوغول وای دور ای طویی یالان اولان
نوجوانیم
قزل گلی درمدیم چمن اوسته سرمدیم
آرزیم قالدی اورکده طوی حجلوی گورمدیم
وای اوغول وای دور ای حناسی قان اولان
وای اوغول وای دور ای طویی یالان اولان
نوجوانیم
شعرترکی برای فراق همسر
شعرترکی برای فراق همسر
ای خدا دلبریم گئتدی الدن
با وفا همسریم گئتدی الدن
********
گئتدی مندن ولی جان آپاردی
دردینی ائتدی پنهان آپاردی
قبرینه سینه ده قان آپاردی
یوخ هله باوریم گئتدی الدن
********
همسرینه گوزل سرداشیدی
مهربان یاور و یولداشیدی
غم گونی با وفا قارداشیدی
حیف او همسنگریم گئتدی الدن
*******
باشینه گرد محنت یاغاردی
قلبینی تیر غم غصه یاردی
بسکه غم چکدی باشی آغاردی
پربها گوهریم گئتدی الدن
*******
غصه دن قلب زاری سیخلدی
ئوز مداریندن آخر چیخلدی
چکدی غم غصه بیردن یخلدی
دهریده یاوریم گئتدی الدن
********
هی دیردی خدا یالقوزام من
غم محاقه سالان اولدوزام من
بیر آتاسیز آناسیز قزام من
گللره بنذریم گئتدی الدن
********
ایندی من قالمیشام زار و تنها
ای خداوند حی و توانا
رحم قیل سن منه بار الها
سیندی بال و پریم گئتدی الدن
شعرترکی فراق مادر
((شعرترکی فراق مادر))
شرار غملریلن اودلانان آنام لایلای
فراق اودیندا وجودی یانان آنام لایلای
سارالدی سولدی قزل گللرون توکولدی یره
بهارعمری اولان تز خزان آنام لایلای
سنون کیمین منه ده عالم اولدی غمخانه
گرک ائدم غم ائوین آشیان آنام لایلای
گیجه گونوز یانارام آغلارام بو ماتمده
جهاندا قامتون اولدی کمان آنام لایلای
بئلون بوکولدی ننه ساچلارون آغاردی سنون
یانا یانا دیرم آی جوان آنام لایلای
بودردوه یانارام اولمادیم باشون اوسته
سنی من اوخشیارام هرزمان آنام لایلای
بجرتدیگون چمنون گللری سولوب سارالوب
بو گللره سنیدون باغبان آنام لایلای
بالالارون الی قوینوندا سسلنورننه وای
اولوب ائو اهلی هامی اوخشیان آنام لایلای
بالالارون گوزی یولدا یوزه توکور قانیاش
باخاندا بوش یروه قلبی قان آنام لایلای
بیزی قوبوب هارا گئتدون بوغملی دنیاده
هایاندا ایلموسن آشیان آنام لایلای
ننه سی اولمیانون هیچ زمان یوزی گولمز
یادینا دوشه دیر مهربان آنام لایلای
یوخوما برگیجه گل قوی اوپوم ایاقوندان
اورک سوزین سنه ایلوم بیان آنام لایلای
دیرم آی ننه باخ بختی قاره قزلارووا
بیزی یامان گونه آخر قویان آنام لایلای
درمقام مادر-ترکی
درمقام مادر-ترکی
کیمدی آنا معدن مهر و وفا
کیمدی آنا منشاء عشق وصفا
کیمدی آنا موهبت لایری
تاجیدی باشلاردا آنینان آتا
کوراولسون او گوزی آنانی آتا
*******
کیمدی آنا گل یوزی آی دین
غم گونونده حسرتیله وای دین
اوپوب گوزوندن سنه لایلای دین
قویما اونون زحمتی ایتوب باتا
کوراولسون او گوزی آنانی آتا
*******
اوشاق وقتی اونی اویاق ساخلادون
حسرت باخوب یانان قلبین داغلادون
دینمدون دردوی هی آغلادون
صبحه کیمین قویمادون اوندایاتا
کوراولسون او گوزی آنانی آتا
*******
گاهی چکرنازوی زلفون دارار
فکرایلمه دردوغمی قوتارار
سن چاتینجا بویا باشی آغارار
محالیدور عشقوی باشدان آتا
کوراولسون او گوزی آنانی آتا
*******
چاتماز اونون عشقی جهانداباشا
بالاسینون دگسه ایاقی داشا
اذن وئرر فوری آنا گوزیاشا
ایاقوه ایستمز تیکان باتا
کوراولسون او گوزی آنانی آتا
********
بوی آتدوقجا باخدی سنون بویوا
و ان یکادی باغلادی قولوا
گیجه گونوز نقشه چکوب طویوا
بو آماله چوخ ایستوردی چاتا
کوراولسون او گوزی آنانی آتا
********
فلک بوکر آخر اونون بلینی
آلنیندا کی گورسون اجل ترینی
اوپ ای جوان ایاقینی الینی
کیمی واردی اونون الیندن دوتا
کوراولسون او گوزی آنانی آتا
*******
ئولوب گئتسه دیرسن ایوای ننه
منی قویدون یامان گونه آی ننه
گلمز سنه دنیا بویی تای ننه
اجوزدی عشقون عالمه کیم ساتا
کوراولسون او گوزی آنانی آتا
*******
بوشدی یرون بوش اولماسین آی ننه
یوزوم گولمز سندن صورا دای ننه
آسوده یات قبریده لایلای ننه
سالدون منی دنیاده یانار اوتا
کوراولسون او گوزی آنانی آتا
رباعی درمقام مادر(ترکی)
رباعی درمقام مادر(ترکی)
فرمایش علیدی بو سوز ایلیوب بیان
اثبات ائدوبدی سوزلرینی گردش زمان
بیر الی ترپدنده ننه گاهواره نی
یعنی وئرور او بیرسی الی عالمه تکان
*************
آدون هر یرده گله زیب سرشتیمدی ننه
قوجاقون مسجد و هم دیر و کنشتیمدی ننه
ایاقون آلتینا قویدوم بو سولان صورتیمی
ایاقون آلتی نچون باغ بهشتیمدی ننه
***************
سن آسمان عشق و وفا من آیون ننه
گلمز جهانه بیرده یقینا تایون ننه
سالمیش طنین حشره کیمین گوش جانیمه
موسیقی بهشتیدور لایلایون ننه
شعرترکی درعزای مادر
شعرترکی درعزای مادر
نیلورم من سن اولان یرده گلستانی آنا
لبلرون یاده سالور غنچه ی خندانی آنا
تاروپودیمده قالوب مهرومحبتلی سوزون
جسم وجانیمده گزور ایندی شرف جانی آنا
گورورم هر طرفه باخدوقجا گل یوزوی
سن منه بذل ایلدون گوهر ایمانی آنا
گزورم آختارورام بیرده گچن گونلری من
ایستورم بیرده گورم ایندی او دورانی آنا
ایندیده واردی قولاقیمده گوزل نغمه لرون
ای گوزل گلشنیمون بلبل خوش خوانی آنا
چکورم هرگجه لایلای سسون حسرتینی
بیرده عمرومده چکم لذت دنیانی آنا
یاتمادون صبحه کیمین شعله چکوب اودلاندون
ای منیم محفلیمون شمع شبستانی آنا
شعرترکی درفراق مادر
شعرترکی درفراق مادر
ایاقون آلتدا اولان یر منه جنتدور آنا
گوزل آدون هامیا مایه ی عزتدور آنا
شرف و عزت و اعجازوه قرباندی گوزوم
زینتون زیورون هر یرده محبتدور آنا
قوجاقون باغ بهشتنده گوزلدور گوزلیم
گوزلرونده گوزه تک منبع رافتدور آنا
آلورام جان اشیدن وقتیده لایلای سسوی
بیلورم نازلی سسون نغمه ی عزتدور آنا
قدروی بیلمدیم ای گوهر دریای شرف
بو گوزل جاذبه لر عین عنایتدور آنا
بیر گیجه گل یوخوما قوی دوشنیم مقدموه
قدمون آلتی بهشتدن منه آیتدور آنا
شعرترکی درفراق مادر
شعرترکی درفراق مادر
ای آتش محبته دائم یانان آنا
دنیاده هامیدان منه چوخ مهربان آنا
ای چوخ گیجه شیرین یوخوسونان قالان آنا
گهواره ترپدیب منه لایلای چالان آنا
هر آغلیاندا من،گیجه لر رختخوابیده
یردن دوروب قوجاقینه فورا آلان آنا
ناخوش اولاندا آتش تبده یاناندا من
پروانه تک منیم باشیما تولانان آنا
پروانه دنده چوخدی سنون مهر و عاطفون
تک سن محبت عالمی ای مهربان آنا
ملک وفا و مهریده یوخدور سنون تایون
اولاد یولوندا قول قانادین یاندیران آنا
شعرترکی درفراق پدر
شعرترکی درفراق پدر
ریاض عشقی اولان غملی باغباندی آتا
همیشه رحمت حقه گوزل نشاندی آتا
ائوینی روشن ایدرعشقینون ضیاسیندن
گیجه نی گوندوزی بیرشمع تک یاناندی آتا
بو مهریده بو محبتده کیمسه یوخدی سنه
اولان بالالارینا یار مهرباندی آتا
گیجه گوندوز بالیا لطف بی نهایت ائدر
نقدری ناز ائلسون نازوی آلاندی آتا
سنون غمون اونون عالمده تز بوکرقدین
گوررسن اوندا نجه قامتی کماندی آتا
همیشه قالمیاجاق بیر گونی ئولوب گئده جک
سفر آخرته عاقبت رواندی آتا
یغیشا عالم و آدم آتا یرین وئرمز
باشوین اوسته اولان سایه ی جناندی آتا
شعربرای فراق فرزندجوان
شعربرای فراق فرزندجوان
گل آنا بو محنده فغانه
اوغلوین پیکری باتدی قانه
********
قلبیمه تیر هجران دگنده
قالمادی صبر و طاقت بدنده
گوزلیوردوم سنی جان ویرنده
سسلدیم هارداسان یانه یانه
********
آنانی یاندیرار بالا فراقی
هر گورنن دوتار اوغول سراقی
گوز قالار یولدا سسده قولاقی
ناله سی اوج ائدر آسمانه
*********
سسلنر دم به دم جان یارالی
ای آنانون آلا گوز مارالی
گلدی نعشون ال اوسته یارالی
سینمی ایلیوب غم نشانه
*********
قلبیمی قان ائدوبدی فراقون
قوی اوپوم بیرده قانلی دوداقون
باغلی قالدی بالا طوی اطاقون
درد هجران منی گتدی جانه
********
آهیله عالمی داغلارام من
سیل اشکی یوزه باغلارام من
یاسه دوندی طویون آغلارام من
خون دل اولدی گوزدن روانه
********
ئولسه هربیر آنانون جوانی
یاد ائدر لیلی خون فشانی
عرشه چیخدی اونوندا فغانی
گلدی بو نوعی غمدن بیانه
*********
ای وجاهتده خوش منظر اوغلوم
اولموسان گل کیمین پرپر اوغلوم
یاره لی یاتما ای اکبر اوغلوم
بیرده گلمز مثالون جهانه
*********
نیلرم یثربه من گئدنده
اود دوتوب آغلارام بو محنده
تای توشون گورسم اوغلوم وطنده
گوزیاشیم وار یری دونسه قانه
سبک ترکی برای عزای خواهر
سبک ترکی برای عزای خواهر
قان اولوب جگریم سیندی بال و پریم
جان یتوب سینمه یولدادور گوزلریم
دردیمه درمان هارداسان قارداش
باجون قربان هارداسان قارداش
جان وئرن باجینون گوزلری یولدادی
ائل قبیله دیر قارداشی هاردادی
منیم احوالیمه ئوزگه لر آغلادی
جان یتوب سینمه گلمدی دلبریم
دردیمه درمان هارداسان قارداش
باجون قربان هارداسان قارداش
سبک ترکی برای عزای خواهر
سبک ترکی برای عزای خواهر
سن گئدن گوندن اخا بختی گونی قاره باجون
اوزولوب الدن علاجی قالوب آواره باجون
********
دوزدی سودای محبت بلی هر باشدا اولار
عاشقون سری نهان بلیدی گوزیاشدا اولار
باجینوندا گوزی بو رسمیدی قارداشدا اولار
گوز تیکوبدور گیجه گوندوز سنه بیچاره باجون
********
آز قالور بایرام اولا غصه لی قلبیم چوبالور
بله گونلرده هامی ئوز کسیگین یاده سالور
هیچ دئمورسن که باجیم ئولدی ویا اینکه قالور
گوز تیکوب حسرت و اندوهیله یولاره باجون
شعربرای فراق فرزندجوان
********
گل آنا بو محنده فغانه
اوغلوین پیکری باتدی قانه
قلبیمه تیر هجران دگنده
قالمادی صبر و طاقت بدنده
گوزلیوردوم سنی جان ویرنده
سسلدیم هارداسان یانه یانه
********
آنانی یاندیرار بالا فراقی
هر گورنن دوتار اوغول سراقی
گوز قالار یولدا سسده قولاقی
ناله سی اوج ائدر آسمانه
*********
سسلنر دم به دم جان یارالی
ای آنانون آلا گوز مارالی
گلدی نعشون ال اوسته یارالی
سینمی ایلیوب غم نشانه
*********
قلبیمی قان ائدوبدی فراقون
قوی اوپوم بیرده قانلی دوداقون
باغلی قالدی بالا طوی اطاقون
درد هجران منی گتدی جانه
********
آهیله عالمی داغلارام من
سیل اشکی یوزه باغلارام من
یاسه دوندی طویون آغلارام من
خون دل اولدی گوزدن روانه
********
ئولسه هربیر آنانون جوانی
یاد ائدر لیلی خون فشانی
عرشه چیخدی اونوندا فغانی
گلدی بو نوعی غمدن بیانه
*********
ای وجاهتده خوش منظر اوغلوم
اولموسان گل کیمین پرپر اوغلوم
یاره لی یاتما ای اکبر اوغلوم
بیرده گلمز مثالون جهانه
*********
نیلرم یثربه من گئدنده
اود دوتوب آغلارام بو محنده
تای توشون گورسم اوغلوم وطنده
گوزیاشیم وار یری دونسه قانه
سببک ترکی برای فراق مادر
سببک ترکی برای فراق مادر
الله اورگی قان آنام هایاندا قالدی گلمدی
باتوبدی گون گوزل آنام هایانداقالدی گلمدی
مهرو وفارختینی سن سویمادون
کج یولا ایستدیم گئدم قویمادون
بالالاروندان آی ننه دویمادون
نه تز قراتپراقلار آلتدا یاتدون
غریب ویالقوزام------------آناسیز بیرقیزام(2)
************
اولدوم اسیرومبتلا یوخدور بو درده هیچ دوا
رحم ائت منه سن ای خدا دنیاگله اولمازآنا
بلبللرون اولدی ننه چمنسیز
قبر ائوینده نجه یاتوبسان منسیز
قالوب ننه حسرت الیم اورکده
یامان یرده منی قویدون ننه سیز
غریب ویالقوزام------------آناسیز بیرقیزام(2)
************
روح مرحوم محمدشریفی بلامانع میباشددریافت سبک
سبک ترکی برای فراق مادر
سبک ترکی برای فراق مادر
غریبم یالقوزام ننه سیز بیرقیزام
آسمان عشقه سن آی من ئولدوزام
هجرونده قلبیم اولوبدی یاره
گتدون یارالی آخر مزاره
لایلای لایلای لایلای ننم وای لایلای ننم وای
************
قلبیمی غم سیخار آهیم عرشه چیخار
بیلورم دنیاده دردون منی یخار
سالدی بوفلک باشیمه قاره
قویدون منی تک گتدون مزاره
لایلای لایلای لایلای ننم وای لایلای ننم وای
*******
روح مرحوم محمدشریفی بلامانع میباشددریافت سبک
سبک ترکی برای فرزند
سبک ترکی برای فرزند
ائلون مارالی آی بالا باشی بلالی آی بالا
ائودن چیخدون گوله گوله گلدون یارالی آی بالا
یوزه سیل اشگیمی باغلارام
من ئوزوم سنه سینه داغلارام
بالاوای دیوب یانوب آغلارام
**********
همیشه محنت وبلا بلالی باشلارگللر
فلک اوخ آتسا دوز گلوب یارالی سینیه دیر
یوزه سیل اشگیمی باغلارام
من ئوزوم سنه سینه داغلارام
بالاوای دیوب یانوب آغلارام
*********
جوان داغی بو دهریده آنالارین بلین بوکر
مزاره گئتسه ده گئدر یقین عزالی آی بالا
یوزه سیل اشگیمی باغلارام
من ئوزوم سنه سینه داغلارام
بالاوای دیوب یانوب آغلارام
***********
روح مرحوم محمدشریفی بلامانع میباشددریافت سبک
سبک ترکی برای فرزند
سبک ترکی برای فرزند
وصلوندن گل درمدیم طویوی من گورمدیم
لایلای بالام وای
گوزل بالا ناز بالا دور قبریمی قاز بالا
لایلای بالام وای
آهیم عرشه اوجالوب ننون غمدن قوجالوب
لایلای بالام وای
گونوز منه گجه دی یارالارون نجه دی
لایلای بالام وای
گونوز بالا گون باتماز اوغول آنانی آتماز
لایلای بالام وای
******
روح مرحوم محمدشریفی بلامانع میباشددریافت سبک
سبک ترکی برای فرزند
سبک ترکی برای فرزند
خداوندا توانیم گئتدی الدن
بلیم سیندی جوانیم گئتدی الدن
وفالی بالام-یارالی بالام- گئدوب الله الیمدن
*********
اورگیم غصه وغمدن سخیلدی
عجب بختیم مداریندن چخیلدی
گوزون آچ گور نجه ائویم یخیلدی
ئوزون ئولدور-غریب مادرون-دیورلایلای جوانیم
بالام وای دیوب- بوغمدن یانوب-گئدیب الله جوانیم
************
روح مرحوم محمدشریفی بلامانع میباشددریافت سبک
سبک ترکی وفارسی برای فراق جوان
سبک ترکی وفارسی برای فراق جوان
ماتمونده فغان ایلرم من
دم بدم وای بالام سسلرم من
بوجهاندا من بختی قاره
سنسیز آیا بالام نیلرم من
**********
خون شدآخر دل نامرادم
کی رود خاطر تو زیادم
این منو این غم بی شمارت
بعداز این کس نیاید بدادم
*********
گوزدن اشگیم اولوبدی روانه
دود آهیم چیخوب آسمانه
دور آنون گورنجه قالدی تنها
شدت غصه دن گلدی جانه
*********
جانم ازغصه بر لب رسیده
داغ مرگ تو پشتم خمیده
ازمن خونجگر رو مگردان
ای بهشتی غزال رمیده
*********
روح مرحوم محمدشریفی بلامانع میباشد
سبک ترکی برای فراق برادر
سبک ترکی برای فراق برادر
یاندیم الله بو محنده بل سینارقارداش ئولنده
گور تفاقیم نجه برهم اولدی
قارداشیم ئولدی قدیم خم اولدی
***********
تزخزان اولدی بهاری آغلادوب بو دلفکاری
قالدی عکسی یادگاری
گور تفاقیم نجه برهم اولدی
قارداشیم ئولدی قدیم خم اولدی
**********
قلبیمی بو غصه بولدی باوفا یاریم نجه اولدی
مهربان قارداشیم ئولدی
گور تفاقیم نجه برهم اولدی
قارداشیم ئولدی قدیم خم اولدی
************
سسلرم یول یولداشیم وای گورنلر چکدی باشیم وای
گئتدی الدن قارداشیم وای
گور تفاقیم نجه برهم اولدی
قارداشیم ئولدی قدیم خم اولدی
روح مرحوم محمدشریفی بلامانع میباشددریافت سبک