(پایگاه اشعارمجالس ترحیم)
کربلایی وحیدشریفی درآباد
(پایگاه اشعارمجالس ترحیم)
کربلایی وحیدشریفی درآبادشعرترکی برای فراق مادر
شعرترکی درمقام مادر
شاعر:عبادی
گئتدین ای یورقون آناقلبیمی ویران ائلدین
منه بوعالمی سن قورخولی زندان ائلدین
سن سیز ای روح روان، قالمادی جسمیمده توان
حشره جک گوزلریمین،اشکینی باران ائلدین
قولاقیمدا هله ده یات بالا لایلای سسی وار
منه گهوارده سن خدمت شایان ائلدین
ئورگیم قانه دونوبدور، سنون هجرونده آنا
غم اندوهه منی هر گئجه مهمان ائلدون
بیرده آغوشیوه ای کاش، آلاییدون منی سن
بوسینیخ قلبیمی چون،خانه ی احزان ائلدون
چوخدی دردیم دور آنا، قویما دوشم چوللره من
نقدر دردیم اولوب دهریده درمان ائلدون
صحبتیم چوخدی ولی ،قوی بونی آخرده دییم
منی سن شیفته شاه شهیدان ائلدون حضرت زهرا(س)
مرحوم حاج محمد علی تأیید
مادر ای طاقت جان جانیوه قربان آناجان
قوی دولانسون باشیوا زینب نالان آناجان
من باخان وقته سنون غصه لی آغلار گوزووه
آپارورسان بیر الون تئز قویوسان گول یوزووه
اوندا تغییر ویرورسن او یانیقلی سوزووه
زینبوندن ایدوسن دردیوی پنهان آناجان
دال اولوب الف قدون گل کیمی رنگون سارالوب
سن کیمی هانکی جوان تز بو جهاندا قوجالوب؟
قنفذون ظلمی سنون طاقتووی الدن آلوب
یا فشار در ایدوب قدووی چوگان آناجان
وارنه علت آلوسان بیرالووه اللریمی
بیر الونله داروسان سن بو قرا تللریمی
دارادوقجا دیوسن باشه گلن گونلریمی
تک حسین آدی گلنده دیوسن جان آناجان
قارداشون یوخدی اگر غم گونی غمخوارون اولا
غم یمه یوخدور آنان عاشق دیدارون اولا
سنه زینب آنادی خوشدی پرستارون اولا
سن کیمی ناخوشا جانلار اولا قربان آناجان
ندور علت آناجان دائم ئولومدن دیوسن
گه من غمزده دن گاهی حسندن دیوسن
گه حسینه باخوسان غصه و غمدن دیوسن
منیده آغلادوری صحبت هجران آناجان
سن گیجه یاتموشودون یاتمادی بیرلحظه گوزوم
باشوون اوستونه گلدیم یوزووی گوردوم اوزوم
آناوای اولدی اودورشام وسحردیلده سوزوم
اوسببدن بولورم دردووی الآن آناجان
تک نه نیلی یوزووی سینه وی ده گوردوم آنا
قلبیم اودلاندی گورنده اوگل اعضاده یارا
یارالی سینووه بوزینبوون جانی فدا
بولورم اولمیه جاق دردووه درمان آناجان
آنالارگرچه دیر اوزقزینادردودلین
دیل دئدوقجااوشاق اولسا اوپرحسرتله تلین
فکرینه گاهی گلراولسا قیزی تازه گلین
آناسیزاولسااوگون قلبی اولارقان آناجان
ائشیدردیم توخیاندادیوسن ئولسون آنان
هرگره سالدوقوجان دلده دیردون بالاجان
من اوسوزدن بولورم کرب وبلاایچره هاچان
پیرهن ایستیه جاق شاه لب عطشان آناجان
کوینگین مندن آلانداآنافریادیمه گل
آیریلیق دردی یاماندوراوگون امدادیمه گل
من بوغازیندان ئوپوم سنده منیم دادیمه گل
قویمایول اوسته حسینون اولاگریان آناجان
(تأئیدا)دردووی دی حضرت زهراقزینا
نوحه یازآغلادینه شافع عقباقزینا
یا دی زینب دلیجه عرض ایله طاهاقزینا
دینه ای طاقت جان جانووه قربان آناجان
بی وفائی دنیا
بی وفائی دنیا
دلا دنیای فانیدن گیدر آخراثر قالماز
بو خلقتده اولان آ ثارلردن بحر و برقالماز
بوتون یرگوی مداریندن چیخارمحشراولاربرپا
بقول آیه ی قرآن منزل خشک تر قالماز
گونون گرمیتی حددن آشار،داغلار،اریر،سوتک
فنا ایلر بو دنیانی یاغارگویدن شرر قالماز
داشار دریالرین امواجی دنیانی خراب ایلر
تماما کاخلر ویران اولار الدن گیدر قالماز
سماده کهکشانلار پودر اولار آلله هراسیندن
هواده جمله اولدوزلار مداریندن سوزر قالماز
قلم یاز عمر عالمدن اگر بیر ثانیه قالسا
حقیقتدور امام منتقم آخر گلر قالماز
اولار حاکم تماما عالمه قرآن دین سوزلر
اوگلسه سوت امرلر،بو جهاندا بی پدر قالماز
جهانی گون کیمی روشن ایدرعدل وعدالتله
نه ظلم اولماز بو دنیاده نه ظالمدن خبر اولماز
قیزل گل تک جوانلار پرپراولماز قانلی سنگرده
اوشاقلار غصه دن سولماز گلینلر دیده تر قالماز
آلار ناحق آخان قانلاری زهرانین عزیز اوغلی
آنالار غصه و غمدن بلی آشفته تر قالماز
وقاریله او حضرت اگلشر تخت جلالتده
ولیکن ظلمی غربال عدالتله الر قالماز
وورار بوینون ،تماما رشوه خوارین ذوالفقاریله
ایله نابود ایدر اوندا بیلور سوز زور و زر قالماز
عدالت دادگاهینده او گونده پارتی بازی یوخ
ایله قشرین او حضرت ریشه سین یکسرکسر قالماز
گران سات جنسیوی تاجر،قانین سور جمله مظلومین
یقینا چرخ دوران شانسیوی بیر گون ایر،قالماز
ولیکن هر بهارین وار قیشی وضع طبیعتدور
همیشه هر زماندا باغ میوه بارور ،قالماز
ربا آل یاربا ویر مالوی آرتیر ایشین یوخدور
اگرمین دفعه حج ایتسن او حجیندن ثمر قالماز
اگرکه ویرمیوبسن خمسیوی، عزم ایلمه حجه
او حجیندن سنه درک ایله غیر از دردسر قالماز
دیوللر لقمه نین چوخ شرطی وارحقی عیار ایلر
قاریشسا لقمه انسانی چکر بی بند و بار ایلر
حسینین آدینی ذکرایله هرگون کوی وبرزنده
حسینون آدی حتما روح وجسمی آبیار ایلر
قوشولما لاابالی شخصه،اولما منحرف یولدان
آلار شخصیتین الدن اسیر روزگار ایلر
مریدان حسین دنیاده باشین ذلته اگمز
تماما ظلم و جوریله جهاندا کار زار ایلر
- بابا اللهه ایمانی اولان ، دنیاده آلانماز
تاپار حقین یولون تاحقی ناحقدن کنار ایلر
حسینون شیعه سی،آلله بیلور بی بند و باراولماز
حسینون مکتب عشقین ، ئولونجه اختیار ایلر
"وحیدا" چکمه ال سن دامن اهل ولایتدن
حسینه نوحه دنن، بوندان بویوک بیر افتخاراولماز
شعرپندآمیز
شعرپندآمیز
جهانه باغلاما بیل هرگلن بشرگیدجک
الینده قالمیاجاق جمله سیم وزر گید جک
باشیندا اولسا اگر تاج زرنگار فلک
وفاسی یوخدی اونون جمله تاج سرگیدجک
نه قدری قدرتین اولسا تکبرایتمه بشر
تجملاتی اولان صاحب قدر گیدجک
جمال حسنیوه فخرایلمه گوزلسن اگر
بوتون جهانه گلن حوری حوری فرگیدجک
مین ایلده عمر ایله سن،کاخ سلطنینده اگر
باشیندا قالمیاجاق جمله دور و برگیدجک
بی وفائی دنیا
بی وفائی دنیا
غمخانه ایلیوبدی بو نالانی آیریلیق
یاندیردی نار فرقه انسانی آیریلیق
مجنونی سالدی چوللره دیوانه لرکیمین
آخرده یاندیروب دل لیلانی آیریلیق
یعقوبی آغلادوب غم هجران یوسفه
بیت الحزن ایدوبدی اوکنعانی آیریلیق
فصل خزان گلنده دوشرشورگلشنه
شیدا ائدرهزاره خوشخوانی آیریلیق
گل یاپراقین توکنده یره صرصرخزان
تاراج ائدر صفای گلستانی آیریلیق
تک قالمیشام گئدوبدی هامی یاویولداشمباخ گورنه حاله سالدی بونالانی آیریلیق
شعرترکی برای فراق پدر
شعرترکی برای فراق پدر
کوچوب گئدون سون منزیله سنسیز گولمز اؤزوم آتا
سن یانان چیراغیم ایدون اَن ایستی قوجاغیم ایدون
هم آرخام ، دایاغیم ایدون سنسیر نئجه دؤزوم آتا
اولومونه ، ائل آغلادی یئر آغلادی ، گؤی اغلادی
اوجاقیمدا ، غم چاغلادی دردیم ، دؤزوم دوزم ،آتا
سنین باالان بو حالینان دوزمه ییره م، یوخلوقونا
کعبه م ، پیریم، مزارینا قوربان اولوم ، اؤزوم آتا
شعرترکی بی وفایی دنیا
شعرترکی بی وفایی دنیا
بو دونیا چوخ وفاسیزمیش, عزیزیم سِومَه دونیانی
بو دونیا کیمسَـیَه قالدی, عزیزیم سِومَه دونیانی
بورا بیر غملی بیر اِودی, گَلَن بیلمز غمی هاردا
گِدَن چاغدا گورَر داقین, عزیزیم سِومَه دونیانی
گلیب گتدی چوخ اینسانلار بورا هردم ولی افسوس
کیمه قالدی بورا گنجی, عزیزیم سِومَه دونیانی
نه دوست قالدی نه بیر دوشمن, مسافیردی هامی بوردا
نه خوشدی یاخچیلیخ قالسین, عزیزیم سِومَه دونیانی
شعر ترکی درفراق برادر
شعر ترکی درفراق برادر
اونـودار وار٫ یـــوخون٫ دؤنــــانین مالــیـن
گـؤرنــده باجیـــــدا٫ آزاری٫ قــــــــــارداش
دوشســـــــه قوربت ائله باجیـنیـن داشــــی
هی ســـالار اؤیانـا٫ گـــــؤذاری قـــــارداش
سولقون گؤرسه رنگین، اؤز رنگی سـولار
آغـلاجـاق گؤزلـری، تئــــــز گـــــؤزو دولار
غـملـــــــــــی اوره گینــه بیـر دایــاق اولار
بــاجـــــینیـن گیـــــــــلـیی٫گــوزاری٫ قـارداش
«تـورک قیـزی» آلیـــــشار جانـــــدان اولارا
آیـریلیــــــق اؤره گـــــین ایله ییـــــر پـارا
باجیــــــــلار تـابــــوتـی دؤز گئتمـز گــورا
چیرمانیب قاز ماســــــــا٫مـــــزاری٫ قارداش
شعر ترکی در فراق برادر
شعر ترکی در فراق برادر
بیر مثلدور داغ بیلر دنیاده قارداش قارداشی
چوخ سالار محنت گونونده یاده قارداش قارداشی
آرخادور ائلدور دایاقدور یاخشی قارداش قارداشا
غم گونی سسلر همیشه داده قارداش قارداشی
گر وفادار اولسا دریای محبتدور یقین
جان بیلر عالم بوئی آزاده قارداش قارداشی
لازم اولسا هر زماندا باش و جان ایلر فدا
هر زماندا سسلسه امداده قارداش قارداشی
دیزلریم تترر دوشنده یاده باغریم قان اولار
وای اؤ ساعتدن گوره افتاده قارداش قارداشی
وای اؤگوندن قارداشین بالینینه قارداش گله
قولّاری یوخدور گوره هیجاده قارداش قارداشی
شاه مظلومان حسین کرب و بلاده نیلدی
گورمسین گؤز توش اولوب جلّاده قارداش قارداشی
قان ائدر گوز یاشینی امواج غم طوفان ائدر
غرق اولور گورسه درین دریاده قارداش قارداشی
بیر گوزل سؤزدورمحبتدور حیاتین جوهری
داده سسلر هر زمان دعواده قارداش قارداشی
شعر:فرهاد فکری
پندیات ترکی
پندیات ترکی
ای دل گوزآچ بو یرده سلیماندا قالمیوب
سالطان حسن یوسف کنعاندا قالمیوب
میندن علاوه عمر ائلین چوخ صفائیلن
نوح نبی او صاحب طوفاندا قالمیوب
کیخسرو و سکندر و دادار گلوب گئدوب
جم لر گئدوبدی جام نمایاندا قالمیوب
مردان دهر جمله یاتوبلار ترابیده
افراسیاب و رستم دوراندا قالمیوب
گلزار دهری باد خزان پایمال ائدوب
گللر سولوبدی صحن گلستانداقالمیوب
شاهلار گدائیله یاتوب بیر دیاریده
عبرتله باخ بو دهریده سلطاندا قالمیوب
اسکندر زمانه قرانلوقدا جان وئروب
یا للاسف که چشمه حیواندا قالمیوب
بیر گئت مدائنه باخ او ایوان حشمته
کسری گئدوبدی باخماقا ایواندا قالمیوب
چاتدی باشا تکبر فرعون ملک مصر
فرعون گئدوبدی موسی عمرانداقالمیوب
ناپاک و پاک ترک ایلیوبدور بو عالمی
بوجهلیلر گئدوب بلی سلماندا قالمیوب
سندن قالان جهاندا بیر آددور مواظب اول
سرمایه لر گئدوب سر و ساماندا قالمیوب
زیبا جمالیلر پوزولوب باغدا گل کیمین
گوزلر آخوبدی زلف پریشاندا قالمیوب
مردان علم و دانش و تقوی یولین گئدوب
فیض آلماقا بو دهریده انساندا قالمیوب
قورتاردی ناز و نعمت دنیا علی التمام
قان آغلا قان که دردوه درماندا قالمیوب
تا آغلیام مصائب ایامه دهریده
ای وای منه که دیده گریاندا قالمیوب
کفرون گوجی مسلط اولوب جمله عالمه
باش قوزیا عجب که مسلماندا قالمیوب
اخلاق و معرفت یغشوب اجتماعیدن
مردمده عهد و حرمت پیماندا قالمیوب
عالم دولوبدی ظلم و جفائیله سر به سر
آثار مکرمت داخی هیچ یاندا قالمیوب
شعرترکی برای فراق پدر
شعرترکی برای فراق پدر
ائویمون شام و سحر شمع فروزانی آتا
باشیمون تاجی-شرف رهبری سلطانی آتا
چوخ چکیب زحمتیمی مهر و وفا درسی وئروب
جلب ایدوبدی نظر خالق یزدانی آتا
یاشییوب عزتیلین عز و شرف کسب ائلیوب
گورسدیب زندگی ده غیرت و وجدانی آتا
یتیشوب بیر گونی اما ایلدی ترک بیزی
آلدی دلخوشلوقی همده سروسامانی آتا
اسدیریب باد خزان گلشن و گلزاره غمی
ایلیوب حالیمی هر لحظه ده بحرانی آتا
هر شب جمعه گلیب قبریوی سیلم ئوپرم
یاشلی گوزلن اوخورام سوره ی رحمانی آتا
گوزوم اما قالاجاخ کوچه ده تا سن گلسن
سوپورر بی کس آنام منزل و ایوانی آتا
شعرترکی در فراق خواهر
شعرترکی در فراق خواهر
گلدیم جگر داغلاماغا آی باجی
باجی دئییب آغلاماغا آی باجی
گؤزلریوی باغلاماغا آی باجی
گلدیم اولام دادرسین آی باجی
اؤلمه میسن وار نفسین آی باجی
هجرین ائدیب قددیمی خم آی باجی
سن سیز گولوم سولدو منیم آی باجی
سن منه بیر یولداشیدین آی باجی
آغلار گؤزومده یاشیدین آی باجی
منه ننه هم باجی هم قارداشیدین آی باجی
توپراقلارا قویما اوزون آی باجی
گل منه رحم ائیله اؤزون آی باجی
آچ بیرجه قانلی گؤزون آی باجی
قالیپ الیم اوسته الیم آی باجی
باشه گلیپ چوخ اجلیم آی باجی
صبر ائله قوی من ده گلیم آی باجی
ایوب دا یوخ طاقت غم آی باجی
اوزی بیلیر صاحب دم آی باجی
شاعر-ایوب رحیمی درآباد
شعر ترکی برای فراق مادر
شعر ترکی برای فراق مادر
بیراوشاغام،آنام سن سن خسته اولسام،داوام سن سن
آغاج اولسام،هاوام سن سن اورک ائویم سنسیز تالان
آنا یوردوم، آذربایجان
*********
جئیران اولسام،سن داغیمسان بولبول اولسام،سن باغیمسان
سونبول اولسام،تورپاغیمسان سرین سولار،سندن آخان
آنا یوردوم آذربایجان
**********
آغ بولوتلار،یورقانیندی مرداوغوللارقوربانیندی
یول گورسدن،قورآنیندی دوشمن لری،درده سالان
آنا یوردوم آذربایجان
**********
من آرازام،سن خزرسن آغیزلاردا،چوخ گزرسن
هرآفت دن،برحذر سن قار-یاغیشلار،سنه یاغان
آنا یوردوم آذربایجان
***********
قول-قانادیم،هوسیم سن یورولمایان،نفسیم سن
من اوره یم،قفسیم سن منه دایاق،کومک دوران
آنا یوردوم ، آذربایجان
**********
من قوش اولسام،سن پریم سن زرگراولسام،سن زریم سن
عاشیق اولسام،دیل بریم سن عاشیق لری،سای سیزاولان
آنا یوردوم آذربایجان
**********
گوزل لرین،گوزلی سن دادلی-دوزلو مزه لی سن
شاعیرین شعر،غزلی سن آدین سنین،دیلده قالان
آنا یوردوم ، آذربایجان
شعرترکی فراق مادر
شعرترکی فراق مادر
نقل ائده رلر کی منی دوغدو آنام
دئدی : به به نه گؤزه لدیر بو بالام
دولانیب باشیما پروانه کیمی
چکیب آغوشونا ، دردانه کیمی
سود ایله قووه وئریبدیر اتیمه
دؤزوب ایللر بویو چوخ زحمتیمه
دئییب آهنگله لای- لای سؤزونو
یومماییب چوخ گئجه اصلا گؤزونو
آغلایان واختدا چکیبدیر یانینا
سؤیله ییب آغلاما قوربان جانینا
اؤیره دیب حؤرمت ایله یولداشینا
مهربان اول باجینا ، قارداشینا
شعرترکی فراق مادر
شعرترکی فراق مادر
چاره سیز خسته لرین ، دردینه درمان آنادی
دفتر عشق و وفا ، مشقینه پایان آنادی
سینه سی دشت بلا ، آتش بحراندا یانیر
سارالان یاز گولی تک ، تشنه ی باران آنادی
هر بلا درده دوزر ، شرط محبتده اوزی
گر مصیبت داغ اولا ، صبریده طوفان آنادی
عشق پروانه سی تک ، شمع ائولاده گئنه
یاندیران بال و پرین ، عاشق گریان آنادی
آی دئسون اوخشاری وار ، اولدوزا چوخ بنزری وار
گونی خجلتده قویان ، دُرّ بدخشان آنادی
اوکی هر صبحه کیمی ، یاتمادی غمنن گئجه لر
سنه لای لای اوخویان ، بلبل نالان آنادی
شاهلیقین شیوه سی وار ، مَسندی مین لشگری وار
تاج و تختسیز جاهانا ، سرور و سلطان آنادی
منی حیران ائلییه ن ، دنیادا بیر مسئله دی
نییه ائولاد اوتینا ، دنیاسی تالان آنادی
آناوین قدرینی بیل ، زاهد اگر شاه اولاسان
چون امیبسن سوتینی ، چشمه ی احسان آنادی
شعرترکی فراق مادر
شعرترکی فراق مادر
بولموسن ،غملر الینده پـوزولوب باغیم آنا
نوبهاریم ،چیچه گیم ،سولدی گولوستانیم آنا
باخــــورام آینئه عمــریمه ،قلبیم دوتولور
گورمورم هاردا قالوب ،شمع شبستانیم آنا
بولبوم هجـر غمینده ،گـزورم چوللری تک
بس نواق صبح اولا جاقدور شب هجرانیم آنا
گوزلـرون نور محبتدی ،ورور جـانیمه جان
یوخـسا اولمیشدی یقینا ،دل ســـوزانیم آنا
جلوه حقدی یوزون،قلبین اولوب باغ بهشت
عالمی عطرون آلوب ای گول رضوانیم آنا
سنه خالق بویوروب،هر ایکی دنیاده عزیز
گل ایـــاقیندن اوپـوم، فخرو مبــاهاتیم آنا
روز محشرده یــاپوش ،حضرت دادار الینی
منیده عفو ایــله سین، اول مــه تابانیم آنا
شعرترکی فراق مادر
شعرترکی فراق مادر
ای کی گلزارمحبت ده عولان بیرگل ریحان آناجان
معدن مهر و وفا عشقیده سلطان آناجان
او مسیحا نفسون نعمت عظمادی منه
دائم اولاده گوره حالی پریشان آناجان
خوش اوانسانه کی اوستونده آناسایه سی وار
مامن امنیت عولان در بدخشان آناجان
کیمی تشبیه ایلیوم مهر و وفاده سنه تای
گل یوزون آیه رحمت نفس ون معنی ایمانآناجان
قوجاقون دائمی اولادوئه بستان جنان
بوئی طوبا گوزی شهلا سنه قربانآناجان
نه قئدر رنج عولا اولادیده خوشدور آنیا
عولاسان دهریده دائم سنی خندان آناجان
آنیا عاق اولانا کافر و ملعون دئدی حق
معدن مهر و وفا عشقیده سلطان آناجان
هانسی گلشن آنا تک بیر گل ریحان واریدی
فرقتون خاری ائدوب گوزلری گریان آناجان
وئره رم جانیمی تک ننه قربان سه سینه
ائدرم عالمی قربان آنامون بیر توکینه
معدن عشق و صفا دردیمه درمان آناجان
دیلی نون ازبری دائم بالا قربان بویونا
کاش عولایدم بیردفعه من سنه قربان آناجان
اولاده دعاوقت یده گوزدن توکولن یاشلاراقربان آناجان
دوزولن قبروون عوستن اوقرا داشلاراقربان آناجان
آغاران اولاده خاطیر اوطلاساشلاراقربان
او گوزل گوزلریلن قاشلارا قربان آناجان
فرقتون خاری ائدوب گوزلری گریان آناجان
دائم اللهیله من ذیکر و نیایش لره قربان آناجان
دائم اولادینه خاطیر گئجه گوندوز نیگران
اغولون باشی دیزونده اونوازش لره قربان آناجان
آنا گوزیاش دولوسی تسبیح وسجادووه قربان آناجان
آنا قلب یمده کی دائم او گوزل یادووه قربان آناجان
دولانیم باشووه قبرونده اقلا بیزه عولما نیگران
گینه آرامش یلن یات یوخوسوز گوزلره قربان آناجان
عولمیشام دهریده آواره و گریان هارداسان
دائم اولادینه خاطیرنیگرانگوزلرهقربان آناجان
داشی اولادینه امداد ایلین قبرووه قربان آناجان
آنااولادووه تئزتئزوریلوب تئزیورولان قلبووه قربان آناجان
بوکولن اولاده خاطیر او عوجا قدووه قربان آناجان
آغلیوب ایسترم الله یدن هردم
ایله سون حضرت زهرایه همیشه سنی مهمان آناجان
قویارام توپراقه یوز یالوارارام الله من
وئره جنت ده مکانین سنه دائم آناجان
شعرترکی درفراق مادر
مهربان آنا
نه دن ساچلارون، آغاریــب آنا
یوخسا باشو وا، قار یاغیب آنا
او گولن یوزون ، سارالیــب آنا
قربانون اولـــوم ،یا لقوز قالموشام
*******
اگنونده لباس ، بیا ضـــدور آنا
اللهیــم آننو وا ، نـه یازدور آنا
مـن تک اوغولا ، نـــــیازدورآنا
اوره گیم دولوب ، چوخ آغلامیشام
*******
عرشه یتیشوب دور آهیم آنا
نه دور گوره سن ،گناهیم آنا
اومیــــدیم آنــا، پناهیــ ـم آنا
گــئد یب پناهیم ،حالا قالمیـــشام
*******
باشیمین تاجی ، اوره گیم آنا
اوده نعمتیم ، چوره گیم آنـــا
غملی گونومده ، دیرگیــم آناسن سیز اویمده ،"غریب"اولموشام
شعر ترکی برای فراق مادر
شعر ترکی برای فراق مادر
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن سن آی آنا
کیم اگر ایسترسه آناسی خوار اولسون
دیلی لال گؤزلری کور قولاق لاری کار اولسون
کیم آنا زحمتینی دانسا اونا آر اولسون
چکن اؤولاد چون عذاب اذیتی سن سن آی آنا
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن آی آنا
شعرترکی برای فراق مادر
شعرترکی برای فراق مادر
ای یامان گونده چاتان هر زمان امداده آنا!
ای حیاتیم بویو دونیاده یئتن داده، آنا!
یاتارام هر گئجه من فیکر و خیالینله سنین
گوره رم گول اوزیوی هر گئجه رویاده آنا!
*********
جان ائوینده نئچه آی چکدین آنا زحمتیمی
یاتماییب صبحه قدر، هی چکیبن ذلتیمی
سود وئریب کورپه لیگیمدن گوروبن محنتیمی
وئردین اولادین اوچون عمرینی سن باده آنا!
********
منه روزی ائله دین جان شیره سین قانین ایلن
مین جوره نازیمی چکدین باش ایلن، جانین ایلن
یاتمادین، لایلا دئدین سن حزین افغانین ایلن
آغلیان دمده یئتیشدین نئجه , فریاده آنا!
*********
صبح تئزده ن اپوبن سن منی بیدار ائله دین
اوزومه گولدون آنا! عالمی گلزار ائله دین
منه اوز وئرسه کدر,سن اوزینی زار ائله دین
ای اولان جمله مشقتلره آماده آنا!
********
گر مریض اولسام آنا!جانینی قربان ائله دین
اوزده گولدون,غمینی سینه ده پنهان ائله دین
یئتیریب حد کماله منی انسان ائله دین
تئز قوجالتدین اوزینی سن بو تمناده آنا!
********
بویودوم منده بوگون یار هوادارین اولوم
دولانیم باشینه من همدم وغمخوارین اولوم
خوشدیر عمرین بویو,گر یارو پرستارین اولوم
نه ضرر گلسه منه خوشدو بو سئوداده آنا!
********
آنالار بایرامیدیر منده سنی یاد ائله دیم
بو حقیر تحفه م ایله قلبینی دلشاد ائله دیم
سنی گوردوم اوزومی غصه ده ن آزاد ائله دیم
مسکنین دائم اولا جنت اعلاده آنا!
*********
نه قدر تعریف ائده م آزدیر آنا!حرمتیوی
حقیوی سعیینی ,ائولاده چکن زحمتیوی
خالق آرتیرسین اوزو عزت ایله شوکتیوی
هم بو دنیاده و هم عالم عقباده آنا!
شعر ترکی خان ننه(استادشهریار)
شعر ترکی خان ننه(استادشهریار)
خان ننه ، هایاندا قالدین
بئله باشیوا دولانام
نئجه من سنی ایتیردیم !
دا سنین تایین تاپیلماز
سن اؤلن گون ، عمه گلدی
منی گتتدی آیری کنده
من اوشاق ، نه آنلایایدیم ؟
باشیمی قاتیب اوشاقلار
نئچه گون من اوردا قالدیم
قاییدیب گلنده ، باخدیم
یئریوی ییغیشدیریبلار
نه اؤزون ، و نه یئرین قالیر
« هانی خان ننه م ؟ » سوروشدوم
دئدیلر کی : خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیرایکی ایل چکر گلینجه
نئجه آغلارام یانیخلی
نئچه گون ائله چیغیردیم
کی سه سیم ، سینم توتولدو
او ، من اولماسام یانیندا
اؤزی هئچ یئره گئده نمه ز
بو سفر نولوبدو ، من سیز
اؤزو تک قویوب گئدیبدیر ؟
هامیدان آجیق ائده ر کن
هامییه آجیقلی باخدیم
سونرا باشلادیم کی : منده
گئدیره م اونون دالینجا
دئدیلر : سنین کی تئزدیر
امامین مزاری اوسته
اوشاغی آپارماق اولماز
سن اوخی ، قرآنی تئز چیخ
سن اونی چیخینجا بلکه
گله خان ننه سفردن
ته له سیح راوانلاماقدا
اوخویوب قرآنی چیخدیم
کی یازام سنه : گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزو دولاردی
سنده کی گلیب چیخمادین
نئچه ایل بو اینتظارلا
گونی ، هفته نی سایاردیم
تا یاواش – یاواش گؤز آچدیم
آنلادیم کی ، سن اؤلوبسن !
بیله بیلمییه هنوزدا
اوره گیمده بیر ایتی ه وار
گؤزوم آختارار همیشه
نه یاماندی بو ایتیکلر
خان ننه جان ، نولایدی
سنی بیرده من تاپایدیم
او آیاخلار اوسته ، بیرده
دؤشه نیب بیر آغلایایدیم
گولی حلقه سالمیش ایپ تک
او ایاغی باغلی یایدم
کی داها گئده نمییه یدین
گئجه لر یاتاندا ، سن ده
منی قوینووا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
منی سن آنام دوینده
قالپیپ آرادان چیخاردین
ائله ایستی لیح او ایستک
داها کیمسه ده اولورمی ؟
اوره گیم دئییر کی : یوخ – یوخ
او ده رین صفالی ایستک
منیم او عزیزلیغیم تک
سنیله گئدیب ، توکندی
خان ننه اؤزون دئییردین
کی : سنه بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزومه درست قولاق وئر :
سن ایله ن اوشاقلیق عهدین
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورسا
داها من اؤز الله هیمنان
باشقا بیر شئی ایسته مزدیم