شعربی وفایی دنیا-ترکی

شعربی وفایی دنیا-ترکی

دهره دل ویردیم ولی هرگزوفاسین گورمدیم

باغریمی  قان  ایلدی  اما  بقاسین  گورمدیم

هرگیجه گوندوز چالشدیم کام آلام بو، دهریدن

دمبدم گوردیم جفاسین هیچ وفاسین گورمدیم

گوز   قباقینده   بزندی    زال   عفریت   جهان

   کام آلان عشاقینون  بیردم  صفاسین گورمدیم

           چوخ یامان حاله سالارمیش  عاشق دلخسته سین

هیچ زمان عشاقینه خیر و دعاسین گورمدیم

چوخ سون جاه و جلالی عاقبت رسوا اولوب

بو فنالی عالمون غیر از فناسین گورمدیم

بیرگوزآچ دقتله باخ ئوزاهلینه گور نیلیوب

سویله بو دارفناهنون من بقاسین گورمدیم