(پایگاه اشعارمجالس ترحیم)
کربلایی وحیدشریفی درآباد
(پایگاه اشعارمجالس ترحیم)
کربلایی وحیدشریفی درآبادمجلس چهلم مادر_شعرترکی
مجلس چهلم مادر(شعرترکی)
قرخ گون اولدی بیزی آغلار نیه قویدون آنا جان
قاپیلاری یوزه باغلار نیه قویدون آناجان
گوزلرین یاشینی هجرانیدن اَلقان ائتدون
نیه بیزدن چکوب ال بیله شتابان گئتدون
دست گلچین اجل کی سنی بیزدن آلدی
خانمانون داخی بی نور و صفاسیز قالدی
گُلسِتانه یتیشن اولماسا خاکیله دولار
باغبان ئولسه گُلُستان پوزولار گُلده صولار
نجه گور اگنیده رختی قارالوب گُلَّلریوون
نجه گور رنگی صولوبدی سارالوب گُلَّلریوون
نجه گور دست اجل توپراقا جسمون بلدی
نجه گور آغلامیانلار سنه گوز یاش الدی
گلدی زینبده حسین قبرینه آغلار گوزیله
قارداشین کوینگی الده ، ئورک اودلی سوزیله
شعرترکی فراق مادر
شعرترکی درفراق مادر
سنسیز اولدی اورگیم غملره کاشانه آنا
گوز یاشیم زینت اولور هر گجه دامانه آنا
سونمه ای عشقی منه عمریده عزّت چراغی
منده شوقیله اولوم باشووه پروانه آنا
گنج قارونی اگروئرسه لر عالمده منه
وئرمرم بیر باخشون آند اولا یزدانه آنا
دامن همّتون اولدی بالانون معراجی
سنده آری واریمش همّت مردانه آنا
نَفَسون عین شفادور باخشون درده دوا
بیرده باخ لطفیله بو دیده سی گریانه آنا
سنیدون موج حوادثده منه ساحل اولان
دوشموشم سندن اوزاق گور نجه طوفانه آنا
آیریلق فصلی بو گُل صورتی بیر حاله سالیب
دوشموشم برگ خزان مثلی گلستانه آنا
من اوجا لدیقجا قوجالدون بو حقیقتدی ولیک
اهلی آنلاربونی، ئوزگه بیلر افسانه آنا
گجه لر یاتمامیسان تا که یاتام نازیله من
یاتمیان گوزلروین دردین آلیم جانه آنا
چوخ گجه بالش ائدوبسن قولووی صبحه کیمی
جان دئیوبسن منه ای عشقیده جانانه آنا
ایوون آباداولا ای قلب ایوین اباد ائلین
سن گیدن وقتن اولوب قلب ایوی ویرانه آنا
چوخ دوتوبسان الیمی تا که دوروب یول یئریم
ایندیده لطف ائله بو قامتی لرزانه آنا
شعرترکی فراق مادر
شعرترکی درمقام مادر
شعرترکی درفراق مادر
جهاندا هر بالانین حالینه یانان آنادی
بالاسینون غم و فکرینده باغریقان آنادی
نه زجریلن بجرر چون بالانی بطنینده
که دوقوز آی گورسن حالی چوخ یامان آنادی
اَکَر او بذر محبت همیشه قلبینده
بالاسینا هامیدان چوخلی مهربان آنادی
کلید درگه جنت ایاقی آلتیندا
که شان و مرتبه سی عالمه عیان آنادی
جهانی آختاراسان گر تاپانماسان مثَلون
جهاندا تکدی خدا بیرده تک اولان آنادی
به سان شمعیدی گویا یانار اوشاقلارینا
گچنده عمری اولان قامتی کمان آنادی
گجه یاتار هامی اما بالاسی یاتماسا گر
آلوب قوجاقه اونا لایی لای چالان آنادی
نقدری طفلینه خاطر اویاق قالار گجه لر
مریض اولا بالاسی گوز یاشی آخان آنادی
ایاق دوتار بالاسی دیل آچار آنا سویونر
دوتوب بالانی الیندن دولاندیران آنادی
گله نه حادثه فوراً سِپر ایدر اوزونی
بالاسینین یولونا جانینی قویان آنادی
الهی گورمیه هیچ بیر آنا بالا غمینی
که گورسه اوندا داخی دنیادان دویان آنادی
بولار مقدمه شعریمدی یازدیم هر آنایا
ولیک قصدیم ایکی باغریقان اولان آنادی
یازیم ایکی آنانون دفتره اورک سوزونی
که کربلاده بیری غنچه سی سولان آنادی
آقام حسین خانیمی اصغرون آناسی رباب
ئولونجه هر گجه گوندوز اولوبدی قلبی کباب
منایه یوللادی بیر آلتی آیلی غنچه سینی
قیتمیوبدی بالاسی اوجاتدی ناله سینی
نه گوردی بیر بالاسین نه اونون جنازه سینی
چوخ ایستیردی اقلاً اوپیدی یاره سینی
اوتورمادی بو خانیم بیرده سایه آلتیندا
دوراردی گون قباقیندا سوسوز عزالی آنا
بیله دیردی که سو ایچمیین بالام لای لای
دگنده تیر سه پر قان ایچن بالام لای لای
اورکده چوخدی سوزیم بیرفقط بونی دی منه
نه لر چکیبسن اوغول اوچ پر اوخ دینده سنه
دیورله دگسه اگر اوچ پر اوخ چیخار دالیدان
نه حاله قالدین علی جان آنان سنه قربان
داخی بو قدری غمه گلموری اورک دوزومه
دییدی اوچ پر اوخ ای کاش منیم ایکی گوزومه
گورنمدیم بالامن هیچ سنون دیل آچماقیوی
ایاق دوتوب یرییب بیر قاباقدا قاچماقیوی
سنون محبت وعشقین اورکده اکمیشدیم
نقدری نقشه سنه من خیالی چکمیشدیم
ایکیمجی غملی آنا اول وفالی ام بنین
بِجَتّدی دورد اوغول ایتدی حسینه یارو معین
وریب به عشق حسین دورد اوغول فدا بو خانیم
اولونجه گونده بقیعده قوروب عزا بو خانیم
بقیعده دورد دنه قبری تجسم ایلردی
مدینه اهلینی او غرق ماتم ایلردی
ایله سیزیلدیوب اوخشاردی بو عزالی آنا
گیچنده دشمنیده باشلیاردی آغلاماقا
دیورله بیر گون اویولدان گیچنده چون مروان
گورور سیزیلدی سسی قوزانور بقیعده هرآن
دیوبدی خادمینه گیت سوروش کیم اوخشیوری
که بیله اوخشاماقی قلبیمی چوخ اودلیوری
باخوبدی خادمی فوراً دیوب امیر زمان
ابوالفضین آناسی اوخشیور بقیعده هرآن
دیوبدی مروان ایله حقی واردی اوخشاماقا
نجه که دورد اوغولون داغینی چکیر بو آنا
دیورله ئولسه اوغول قالسا یادگاری اگر
آنا قوجاخلار اونی گوزیاشون به فوری الر
چیخاندا گون او بقیعده عزانی ساخلاردی
باتاندا گون یتوشوب مشکینی قوجاخلاردی
دیردی قانلا دولان گوزلرین فداسی اوغول
اودوغرانان اوجا بوی پیکرین فداسی اوغول
دیورله کربلادا سالدیلار ایکی قولووی
خیامه ساری گلنده کسدیلر سنون یولووی
ووروبلا مشکیوه بیر اوخ بیر اوخدا ساغ گوزیوه
سوچوللره آخونوب قان یاشون گوزل اوزیوه
ووروبلا پیکریوه یاره یاره اوستن اوغول
باشون عمود یاراندا نه لر چکیبسن اوغول
قولون یوخویدی که شمشیریوی اله آلاسان
ویا دوشنده یره قوللارین یره قویاسان
یقین دوشنده یره گل اوزون ترابه دوشوب
اوقانلی لبلرین اوغلوم چوخ التهابه دوشوب
قولون اولیدی سنی بیر نفر یخانمازدی
گلنده خیمیه اوخ مشگیوه وورانمازیدی
اوقدری موضع تیر وجراحت اولمازدین
سوخیمیه یتیرردین خجالت اولمازدین
شعرترکی درمقام مادر
شعرترکی درمقام مادر
در مقام مادر(ترکی)
قویدون منی بو ائوده ملر، آغلارام نه‌نه
گئتدین مزاره دلده شرر، آغلارام نه‌نه
نسگللرین دوشر یادیما قلبیم اودلانار
اللر ئورکده شام و سحر، آغلارام نه‌نه
یاد ائیلر‌م سنیله کئچن گونلری مدام
هاردان او گونلریم قییدر آغلارم نه‌نه
سسلردیم هر زماندا نه‌نه، سس گلردی جان
خوش گونلریم کی یاده دوشر آغلارام نه‌نه
دردین دییر آناسینا قیز دوشسه مشکله
نیلر آناسی اولماسا گر آغلارام نه‌نه
قارداش آتا باجی هامیسی، کیمسه‌دیر ولی
واردیر آنادا آیری ثمر آغلارام نه‌نه
ائوده آتا، آنا یئری وئرمز، یقیندی بو
هر گولده وار بیر عطرِ دِگَر، آغلارام نه‌نه
گون دؤنسه آی دولانسا گلر بایرام آخشامی
بایراملیق الده گؤرسم اگر، آغلارام نه‌نه
قارداش دا گئتمسه باجی دیدارینه اگر
دیلدن مگر آناسی دؤز‌ر، آغلارام نه‌نه
هر کس گؤروب آنا داغینی یاخشی درک ائد‌ر
قلبیم ند‌ن غمونده اسر آغلارام نه‌نه
قلبیم دولان زماندا هی سسلر‌م سنی
گلمز منه جوابِ دِگَر، آغلارام نه‌نه
اما بو آغلاماق غمِ دیگر سالیر یادا
دیل یاندیرار او غملی خبر، آغلارام نه‌نه
آغلار او غمده زینب و کلثوم، حسین حسن
آغلار او غمده چوخ نه‌نه‌لر، آغلارام نه‌نه
زینب دییردی ای آتامین یاوری آنا
ائتدین ند‌ن بو نوعی سفر، آغلارام نه‌نه
هانسی آنا سنین کیمی گؤز یاشلی باغریقان
گؤزد‌ن آتار بالانی مگر، آغلارام نه‌نه
زینب هارا آنا بو قدر درد و غم هارا؟
هانسی ئورک بو درده دؤز‌ر، آغلارام نه‌نه
آخشام اولان زمان چراغی ائولرین یانار
قلبیم دوباره غصّه لَنَر، آغلارام نه‌نه
مرتضی علیمحمدی از اورمیه.
شعرترکی برای فراق مادر
شعرترکی درمقام مادر
شاعر:عبادی
گئتدین ای یورقون آناقلبیمی ویران ائلدین
منه بوعالمی سن قورخولی زندان ائلدین
سن سیز ای روح روان، قالمادی جسمیمده توان
حشره جک گوزلریمین،اشکینی باران ائلدین
قولاقیمدا هله ده یات بالا لایلای سسی وار
منه گهوارده سن خدمت شایان ائلدین
ئورگیم قانه دونوبدور، سنون هجرونده آنا
غم اندوهه منی هر گئجه مهمان ائلدون
بیرده آغوشیوه ای کاش، آلاییدون منی سن
بوسینیخ قلبیمی چون،خانه ی احزان ائلدون
چوخدی دردیم دور آنا، قویما دوشم چوللره من
نقدر دردیم اولوب دهریده درمان ائلدون
صحبتیم چوخدی ولی ،قوی بونی آخرده دییم
منی سن شیفته شاه شهیدان ائلدون حضرت زهرا(س)
مرحوم حاج محمد علی تأیید
مادر ای طاقت جان جانیوه قربان آناجان
قوی دولانسون باشیوا زینب نالان آناجان
من باخان وقته سنون غصه لی آغلار گوزووه
آپارورسان بیر الون تئز قویوسان گول یوزووه
اوندا تغییر ویرورسن او یانیقلی سوزووه
زینبوندن ایدوسن دردیوی پنهان آناجان
دال اولوب الف قدون گل کیمی رنگون سارالوب
سن کیمی هانکی جوان تز بو جهاندا قوجالوب؟
قنفذون ظلمی سنون طاقتووی الدن آلوب
یا فشار در ایدوب قدووی چوگان آناجان
وارنه علت آلوسان بیرالووه اللریمی
بیر الونله داروسان سن بو قرا تللریمی
دارادوقجا دیوسن باشه گلن گونلریمی
تک حسین آدی گلنده دیوسن جان آناجان
قارداشون یوخدی اگر غم گونی غمخوارون اولا
غم یمه یوخدور آنان عاشق دیدارون اولا
سنه زینب آنادی خوشدی پرستارون اولا
سن کیمی ناخوشا جانلار اولا قربان آناجان
ندور علت آناجان دائم ئولومدن دیوسن
گه من غمزده دن گاهی حسندن دیوسن
گه حسینه باخوسان غصه و غمدن دیوسن
منیده آغلادوری صحبت هجران آناجان
سن گیجه یاتموشودون یاتمادی بیرلحظه گوزوم
باشوون اوستونه گلدیم یوزووی گوردوم اوزوم
آناوای اولدی اودورشام وسحردیلده سوزوم
اوسببدن بولورم دردووی الآن آناجان
تک نه نیلی یوزووی سینه وی ده گوردوم آنا
قلبیم اودلاندی گورنده اوگل اعضاده یارا
یارالی سینووه بوزینبوون جانی فدا
بولورم اولمیه جاق دردووه درمان آناجان
آنالارگرچه دیر اوزقزینادردودلین
دیل دئدوقجااوشاق اولسا اوپرحسرتله تلین
فکرینه گاهی گلراولسا قیزی تازه گلین
آناسیزاولسااوگون قلبی اولارقان آناجان
ائشیدردیم توخیاندادیوسن ئولسون آنان
هرگره سالدوقوجان دلده دیردون بالاجان
من اوسوزدن بولورم کرب وبلاایچره هاچان
پیرهن ایستیه جاق شاه لب عطشان آناجان
کوینگین مندن آلانداآنافریادیمه گل
آیریلیق دردی یاماندوراوگون امدادیمه گل
من بوغازیندان ئوپوم سنده منیم دادیمه گل
قویمایول اوسته حسینون اولاگریان آناجان
(تأئیدا)دردووی دی حضرت زهراقزینا
نوحه یازآغلادینه شافع عقباقزینا
یا دی زینب دلیجه عرض ایله طاهاقزینا
دینه ای طاقت جان جانووه قربان آناجان
شعر ترکی برای فراق مادر
شعر ترکی برای فراق مادر
بیراوشاغام،آنام سن سن خسته اولسام،داوام سن سن
آغاج اولسام،هاوام سن سن اورک ائویم سنسیز تالان
آنا یوردوم، آذربایجان
*********
جئیران اولسام،سن داغیمسان بولبول اولسام،سن باغیمسان
سونبول اولسام،تورپاغیمسان سرین سولار،سندن آخان
آنا یوردوم آذربایجان
**********
آغ بولوتلار،یورقانیندی مرداوغوللارقوربانیندی
یول گورسدن،قورآنیندی دوشمن لری،درده سالان
آنا یوردوم آذربایجان
**********
من آرازام،سن خزرسن آغیزلاردا،چوخ گزرسن
هرآفت دن،برحذر سن قار-یاغیشلار،سنه یاغان
آنا یوردوم آذربایجان
***********
قول-قانادیم،هوسیم سن یورولمایان،نفسیم سن
من اوره یم،قفسیم سن منه دایاق،کومک دوران
آنا یوردوم ، آذربایجان
**********
من قوش اولسام،سن پریم سن زرگراولسام،سن زریم سن
عاشیق اولسام،دیل بریم سن عاشیق لری،سای سیزاولان
آنا یوردوم آذربایجان
**********
گوزل لرین،گوزلی سن دادلی-دوزلو مزه لی سن
شاعیرین شعر،غزلی سن آدین سنین،دیلده قالان
آنا یوردوم ، آذربایجان
شعرترکی فراق مادر
شعرترکی فراق مادر
نقل ائده رلر کی منی دوغدو آنام
دئدی : به به نه گؤزه لدیر بو بالام
دولانیب باشیما پروانه کیمی
چکیب آغوشونا ، دردانه کیمی
سود ایله قووه وئریبدیر اتیمه
دؤزوب ایللر بویو چوخ زحمتیمه
دئییب آهنگله لای- لای سؤزونو
یومماییب چوخ گئجه اصلا گؤزونو
آغلایان واختدا چکیبدیر یانینا
سؤیله ییب آغلاما قوربان جانینا
اؤیره دیب حؤرمت ایله یولداشینا
مهربان اول باجینا ، قارداشینا
شعرترکی فراق مادر
شعرترکی فراق مادر
چاره سیز خسته لرین ، دردینه درمان آنادی
دفتر عشق و وفا ، مشقینه پایان آنادی
سینه سی دشت بلا ، آتش بحراندا یانیر
سارالان یاز گولی تک ، تشنه ی باران آنادی
هر بلا درده دوزر ، شرط محبتده اوزی
گر مصیبت داغ اولا ، صبریده طوفان آنادی
عشق پروانه سی تک ، شمع ائولاده گئنه
یاندیران بال و پرین ، عاشق گریان آنادی
آی دئسون اوخشاری وار ، اولدوزا چوخ بنزری وار
گونی خجلتده قویان ، دُرّ بدخشان آنادی
اوکی هر صبحه کیمی ، یاتمادی غمنن گئجه لر
سنه لای لای اوخویان ، بلبل نالان آنادی
شاهلیقین شیوه سی وار ، مَسندی مین لشگری وار
تاج و تختسیز جاهانا ، سرور و سلطان آنادی
منی حیران ائلییه ن ، دنیادا بیر مسئله دی
نییه ائولاد اوتینا ، دنیاسی تالان آنادی
آناوین قدرینی بیل ، زاهد اگر شاه اولاسان
چون امیبسن سوتینی ، چشمه ی احسان آنادی
شعرترکی فراق مادر
شعرترکی فراق مادر
بولموسن ،غملر الینده پـوزولوب باغیم آنا
نوبهاریم ،چیچه گیم ،سولدی گولوستانیم آنا
باخــــورام آینئه عمــریمه ،قلبیم دوتولور
گورمورم هاردا قالوب ،شمع شبستانیم آنا
بولبوم هجـر غمینده ،گـزورم چوللری تک
بس نواق صبح اولا جاقدور شب هجرانیم آنا
گوزلـرون نور محبتدی ،ورور جـانیمه جان
یوخـسا اولمیشدی یقینا ،دل ســـوزانیم آنا
جلوه حقدی یوزون،قلبین اولوب باغ بهشت
عالمی عطرون آلوب ای گول رضوانیم آنا
سنه خالق بویوروب،هر ایکی دنیاده عزیز
گل ایـــاقیندن اوپـوم، فخرو مبــاهاتیم آنا
روز محشرده یــاپوش ،حضرت دادار الینی
منیده عفو ایــله سین، اول مــه تابانیم آنا
شعرترکی فراق مادر
شعرترکی فراق مادر
ای کی گلزارمحبت ده عولان بیرگل ریحان آناجان
معدن مهر و وفا عشقیده سلطان آناجان
او مسیحا نفسون نعمت عظمادی منه
دائم اولاده گوره حالی پریشان آناجان
خوش اوانسانه کی اوستونده آناسایه سی وار
مامن امنیت عولان در بدخشان آناجان
کیمی تشبیه ایلیوم مهر و وفاده سنه تای
گل یوزون آیه رحمت نفس ون معنی ایمانآناجان
قوجاقون دائمی اولادوئه بستان جنان
بوئی طوبا گوزی شهلا سنه قربانآناجان
نه قئدر رنج عولا اولادیده خوشدور آنیا
عولاسان دهریده دائم سنی خندان آناجان
آنیا عاق اولانا کافر و ملعون دئدی حق
معدن مهر و وفا عشقیده سلطان آناجان
هانسی گلشن آنا تک بیر گل ریحان واریدی
فرقتون خاری ائدوب گوزلری گریان آناجان
وئره رم جانیمی تک ننه قربان سه سینه
ائدرم عالمی قربان آنامون بیر توکینه
معدن عشق و صفا دردیمه درمان آناجان
دیلی نون ازبری دائم بالا قربان بویونا
کاش عولایدم بیردفعه من سنه قربان آناجان
اولاده دعاوقت یده گوزدن توکولن یاشلاراقربان آناجان
دوزولن قبروون عوستن اوقرا داشلاراقربان آناجان
آغاران اولاده خاطیر اوطلاساشلاراقربان
او گوزل گوزلریلن قاشلارا قربان آناجان
فرقتون خاری ائدوب گوزلری گریان آناجان
دائم اللهیله من ذیکر و نیایش لره قربان آناجان
دائم اولادینه خاطیر گئجه گوندوز نیگران
اغولون باشی دیزونده اونوازش لره قربان آناجان
آنا گوزیاش دولوسی تسبیح وسجادووه قربان آناجان
آنا قلب یمده کی دائم او گوزل یادووه قربان آناجان
دولانیم باشووه قبرونده اقلا بیزه عولما نیگران
گینه آرامش یلن یات یوخوسوز گوزلره قربان آناجان
عولمیشام دهریده آواره و گریان هارداسان
دائم اولادینه خاطیرنیگرانگوزلرهقربان آناجان
داشی اولادینه امداد ایلین قبرووه قربان آناجان
آنااولادووه تئزتئزوریلوب تئزیورولان قلبووه قربان آناجان
بوکولن اولاده خاطیر او عوجا قدووه قربان آناجان
آغلیوب ایسترم الله یدن هردم
ایله سون حضرت زهرایه همیشه سنی مهمان آناجان
قویارام توپراقه یوز یالوارارام الله من
وئره جنت ده مکانین سنه دائم آناجان
شعر ترکی برای فراق مادر
شعر ترکی برای فراق مادر
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن سن آی آنا
کیم اگر ایسترسه آناسی خوار اولسون
دیلی لال گؤزلری کور قولاق لاری کار اولسون
کیم آنا زحمتینی دانسا اونا آر اولسون
چکن اؤولاد چون عذاب اذیتی سن سن آی آنا
دیزیمین قوللاریمین طاقتی سن سن آی آنا
دیلیمین هر سؤزو هر صؤحبتی سن آی آنا
شعرترکی درفراق مادر
مهربان آنا
نه دن ساچلارون، آغاریــب آنا
یوخسا باشو وا، قار یاغیب آنا
او گولن یوزون ، سارالیــب آنا
قربانون اولـــوم ،یا لقوز قالموشام
*******
اگنونده لباس ، بیا ضـــدور آنا
اللهیــم آننو وا ، نـه یازدور آنا
مـن تک اوغولا ، نـــــیازدورآنا
اوره گیم دولوب ، چوخ آغلامیشام
*******
عرشه یتیشوب دور آهیم آنا
نه دور گوره سن ،گناهیم آنا
اومیــــدیم آنــا، پناهیــ ـم آنا
گــئد یب پناهیم ،حالا قالمیـــشام
*******
باشیمین تاجی ، اوره گیم آنا
اوده نعمتیم ، چوره گیم آنـــا
غملی گونومده ، دیرگیــم آناسن سیز اویمده ،"غریب"اولموشام
شعرترکی برای فراق مادر
شعرترکی برای فراق مادر
ای یامان گونده چاتان هر زمان امداده آنا!
ای حیاتیم بویو دونیاده یئتن داده، آنا!
یاتارام هر گئجه من فیکر و خیالینله سنین
گوره رم گول اوزیوی هر گئجه رویاده آنا!
*********
جان ائوینده نئچه آی چکدین آنا زحمتیمی
یاتماییب صبحه قدر، هی چکیبن ذلتیمی
سود وئریب کورپه لیگیمدن گوروبن محنتیمی
وئردین اولادین اوچون عمرینی سن باده آنا!
********
منه روزی ائله دین جان شیره سین قانین ایلن
مین جوره نازیمی چکدین باش ایلن، جانین ایلن
یاتمادین، لایلا دئدین سن حزین افغانین ایلن
آغلیان دمده یئتیشدین نئجه , فریاده آنا!
*********
صبح تئزده ن اپوبن سن منی بیدار ائله دین
اوزومه گولدون آنا! عالمی گلزار ائله دین
منه اوز وئرسه کدر,سن اوزینی زار ائله دین
ای اولان جمله مشقتلره آماده آنا!
********
گر مریض اولسام آنا!جانینی قربان ائله دین
اوزده گولدون,غمینی سینه ده پنهان ائله دین
یئتیریب حد کماله منی انسان ائله دین
تئز قوجالتدین اوزینی سن بو تمناده آنا!
********
بویودوم منده بوگون یار هوادارین اولوم
دولانیم باشینه من همدم وغمخوارین اولوم
خوشدیر عمرین بویو,گر یارو پرستارین اولوم
نه ضرر گلسه منه خوشدو بو سئوداده آنا!
********
آنالار بایرامیدیر منده سنی یاد ائله دیم
بو حقیر تحفه م ایله قلبینی دلشاد ائله دیم
سنی گوردوم اوزومی غصه ده ن آزاد ائله دیم
مسکنین دائم اولا جنت اعلاده آنا!
*********
نه قدر تعریف ائده م آزدیر آنا!حرمتیوی
حقیوی سعیینی ,ائولاده چکن زحمتیوی
خالق آرتیرسین اوزو عزت ایله شوکتیوی
هم بو دنیاده و هم عالم عقباده آنا!
شعر ترکی خان ننه(استادشهریار)
شعر ترکی خان ننه(استادشهریار)
خان ننه ، هایاندا قالدین
بئله باشیوا دولانام
نئجه من سنی ایتیردیم !
دا سنین تایین تاپیلماز
سن اؤلن گون ، عمه گلدی
منی گتتدی آیری کنده
من اوشاق ، نه آنلایایدیم ؟
باشیمی قاتیب اوشاقلار
نئچه گون من اوردا قالدیم
قاییدیب گلنده ، باخدیم
یئریوی ییغیشدیریبلار
نه اؤزون ، و نه یئرین قالیر
« هانی خان ننه م ؟ » سوروشدوم
دئدیلر کی : خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیرایکی ایل چکر گلینجه
نئجه آغلارام یانیخلی
نئچه گون ائله چیغیردیم
کی سه سیم ، سینم توتولدو
او ، من اولماسام یانیندا
اؤزی هئچ یئره گئده نمه ز
بو سفر نولوبدو ، من سیز
اؤزو تک قویوب گئدیبدیر ؟
هامیدان آجیق ائده ر کن
هامییه آجیقلی باخدیم
سونرا باشلادیم کی : منده
گئدیره م اونون دالینجا
دئدیلر : سنین کی تئزدیر
امامین مزاری اوسته
اوشاغی آپارماق اولماز
سن اوخی ، قرآنی تئز چیخ
سن اونی چیخینجا بلکه
گله خان ننه سفردن
ته له سیح راوانلاماقدا
اوخویوب قرآنی چیخدیم
کی یازام سنه : گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزو دولاردی
سنده کی گلیب چیخمادین
نئچه ایل بو اینتظارلا
گونی ، هفته نی سایاردیم
تا یاواش – یاواش گؤز آچدیم
آنلادیم کی ، سن اؤلوبسن !
بیله بیلمییه هنوزدا
اوره گیمده بیر ایتی ه وار
گؤزوم آختارار همیشه
نه یاماندی بو ایتیکلر
خان ننه جان ، نولایدی
سنی بیرده من تاپایدیم
او آیاخلار اوسته ، بیرده
دؤشه نیب بیر آغلایایدیم
گولی حلقه سالمیش ایپ تک
او ایاغی باغلی یایدم
کی داها گئده نمییه یدین
گئجه لر یاتاندا ، سن ده
منی قوینووا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
منی سن آنام دوینده
قالپیپ آرادان چیخاردین
ائله ایستی لیح او ایستک
داها کیمسه ده اولورمی ؟
اوره گیم دئییر کی : یوخ – یوخ
او ده رین صفالی ایستک
منیم او عزیزلیغیم تک
سنیله گئدیب ، توکندی
خان ننه اؤزون دئییردین
کی : سنه بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزومه درست قولاق وئر :
سن ایله ن اوشاقلیق عهدین
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورسا
داها من اؤز الله هیمنان
باشقا بیر شئی ایسته مزدیم
شعرترکی فراق مادر
((شعرترکی فراق مادر))
شرار غملریلن اودلانان آنام لایلای
فراق اودیندا وجودی یانان آنام لایلای
سارالدی سولدی قزل گللرون توکولدی یره
بهارعمری اولان تز خزان آنام لایلای
سنون کیمین منه ده عالم اولدی غمخانه
گرک ائدم غم ائوین آشیان آنام لایلای
گیجه گونوز یانارام آغلارام بو ماتمده
جهاندا قامتون اولدی کمان آنام لایلای
بئلون بوکولدی ننه ساچلارون آغاردی سنون
یانا یانا دیرم آی جوان آنام لایلای
بودردوه یانارام اولمادیم باشون اوسته
سنی من اوخشیارام هرزمان آنام لایلای
بجرتدیگون چمنون گللری سولوب سارالوب
بو گللره سنیدون باغبان آنام لایلای
بالالارون الی قوینوندا سسلنورننه وای
اولوب ائو اهلی هامی اوخشیان آنام لایلای
بالالارون گوزی یولدا یوزه توکور قانیاش
باخاندا بوش یروه قلبی قان آنام لایلای
بیزی قوبوب هارا گئتدون بوغملی دنیاده
هایاندا ایلموسن آشیان آنام لایلای
ننه سی اولمیانون هیچ زمان یوزی گولمز
یادینا دوشه دیر مهربان آنام لایلای
یوخوما برگیجه گل قوی اوپوم ایاقوندان
اورک سوزین سنه ایلوم بیان آنام لایلای
دیرم آی ننه باخ بختی قاره قزلارووا
بیزی یامان گونه آخر قویان آنام لایلای
درمقام مادر-ترکی
درمقام مادر-ترکی
کیمدی آنا معدن مهر و وفا
کیمدی آنا منشاء عشق وصفا
کیمدی آنا موهبت لایری
تاجیدی باشلاردا آنینان آتا
کوراولسون او گوزی آنانی آتا
*******
کیمدی آنا گل یوزی آی دین
غم گونونده حسرتیله وای دین
اوپوب گوزوندن سنه لایلای دین
قویما اونون زحمتی ایتوب باتا
کوراولسون او گوزی آنانی آتا
*******
اوشاق وقتی اونی اویاق ساخلادون
حسرت باخوب یانان قلبین داغلادون
دینمدون دردوی هی آغلادون
صبحه کیمین قویمادون اوندایاتا
کوراولسون او گوزی آنانی آتا
*******
گاهی چکرنازوی زلفون دارار
فکرایلمه دردوغمی قوتارار
سن چاتینجا بویا باشی آغارار
محالیدور عشقوی باشدان آتا
کوراولسون او گوزی آنانی آتا
*******
چاتماز اونون عشقی جهانداباشا
بالاسینون دگسه ایاقی داشا
اذن وئرر فوری آنا گوزیاشا
ایاقوه ایستمز تیکان باتا
کوراولسون او گوزی آنانی آتا
********
بوی آتدوقجا باخدی سنون بویوا
و ان یکادی باغلادی قولوا
گیجه گونوز نقشه چکوب طویوا
بو آماله چوخ ایستوردی چاتا
کوراولسون او گوزی آنانی آتا
********
فلک بوکر آخر اونون بلینی
آلنیندا کی گورسون اجل ترینی
اوپ ای جوان ایاقینی الینی
کیمی واردی اونون الیندن دوتا
کوراولسون او گوزی آنانی آتا
*******
ئولوب گئتسه دیرسن ایوای ننه
منی قویدون یامان گونه آی ننه
گلمز سنه دنیا بویی تای ننه
اجوزدی عشقون عالمه کیم ساتا
کوراولسون او گوزی آنانی آتا
*******
بوشدی یرون بوش اولماسین آی ننه
یوزوم گولمز سندن صورا دای ننه
آسوده یات قبریده لایلای ننه
سالدون منی دنیاده یانار اوتا
کوراولسون او گوزی آنانی آتا
رباعی درمقام مادر(ترکی)
رباعی درمقام مادر(ترکی)
فرمایش علیدی بو سوز ایلیوب بیان
اثبات ائدوبدی سوزلرینی گردش زمان
بیر الی ترپدنده ننه گاهواره نی
یعنی وئرور او بیرسی الی عالمه تکان
*************
آدون هر یرده گله زیب سرشتیمدی ننه
قوجاقون مسجد و هم دیر و کنشتیمدی ننه
ایاقون آلتینا قویدوم بو سولان صورتیمی
ایاقون آلتی نچون باغ بهشتیمدی ننه
***************
سن آسمان عشق و وفا من آیون ننه
گلمز جهانه بیرده یقینا تایون ننه
سالمیش طنین حشره کیمین گوش جانیمه
موسیقی بهشتیدور لایلایون ننه
شعرترکی درعزای مادر
شعرترکی درعزای مادر
نیلورم من سن اولان یرده گلستانی آنا
لبلرون یاده سالور غنچه ی خندانی آنا
تاروپودیمده قالوب مهرومحبتلی سوزون
جسم وجانیمده گزور ایندی شرف جانی آنا
گورورم هر طرفه باخدوقجا گل یوزوی
سن منه بذل ایلدون گوهر ایمانی آنا
گزورم آختارورام بیرده گچن گونلری من
ایستورم بیرده گورم ایندی او دورانی آنا
ایندیده واردی قولاقیمده گوزل نغمه لرون
ای گوزل گلشنیمون بلبل خوش خوانی آنا
چکورم هرگجه لایلای سسون حسرتینی
بیرده عمرومده چکم لذت دنیانی آنا
یاتمادون صبحه کیمین شعله چکوب اودلاندون
ای منیم محفلیمون شمع شبستانی آنا