شعرترکی پندیات

شعرترکی پندیات

اﯼ ﺧﻄﺎ ﺩﯾﺪﻩ ﺑﺸﺮ ﺧﺎﻟﻖ ﺳﺒﺤﺎﻧﺪﺍﺩﻥ ﺍﻭﺗﺎﻥ

ﺍﻝ ﮔﻮﺗﻮﺭ ﺍﯾﻠﻪ ﺩﯾﮕﻮﻥ ﺣﯿﻠﻪ ﭘﻨﻬﺎﻧﺪﺍﻥ ﺍﻭﺗﺎﻥ

ﺧﻠﻘﯽ ﺁﻻﺗﻤﺎ ﺋﻮﻟﻮﻡ ﻭﺍﺭ ﺋﻮﻟﻪ ﺟﮑﺴﻦ ﺑﯿﺮ ﮔﻮﻥ

ﻗﺎﺿﯽ ﻭ ﻣﺤﮑﻤﻪ ﻭ ﻣﺤﺸﺮ ﻭ ﺩﯾﻮﺍﻧﺪﺍﻥ ﺍﻭﺗﺎﻥ

ﺻﻒ ﻣﺤﺸﺮﺩﻩ ﭘﯿﻤﺒﺮ ﺑﺎﺧﺎﺟﺎﻕ ﻧﺎﻣﻪ ﻟﺮﻩ

ﻃﺎﻗﺘﻮﻥ ﺍﻭﻟﻤﺎﺳﺎ ﺗﺮ ﺗﻮﮐﻤﮕﻪ ﺍﻻﻧﺪﺍﻥ ﺍﻭﺗﺎﻥ

ﺍﺷﺘﺒﺎﻩ ﺍﯾﻠﺴﻮﻥ ﺍﯾﻠﻪ ﻭﻟﯽ ﺗﮑﺮﺍﺭ ﺍﺋﻠﻤﻪ

ﮔﻮﻟﯽ ﺩﺭ ﺳﺎﻗﻪ ﻧﯽ ﺳﯿﻨﺪﯾﺮﻣﺎ ﮔﻠﺴﺘﺎﻧﺪﺍﻥ ﺍﻭﺗﺎﻥ

ﺁﭼﺪﯾﻘﻮﻥ ﺳﻔﺮﻩ ﻧﻮﻥ ﺍﻃﺮﺍﻓﯿﻨﯽ ﮔﻮﺭ ﮐﯿﻤﻠﺮ ﺁﻟﻮﺏ

ﺍﻏﻨﯿﺎ ﺍﻭﻟﺴﺎ ﺍﮔﺮ ﻭﺋﺮﺩﯾﮕﻮﻥ ﺍﺣﺴﺎﻧﺪﺍﻥ ﺍﻭﺗﺎﻥ

ﺧﻮﺩﻧﻤﺎﯾﯽ ﺍﺋﻠﻤﻪ ﺑﺎﻏﻼ ﺑﻮ ﺍﺣﺴﺎﻥ ﻗﺎﭘﻮﺳﯿﻦ

ﺭﻭﺳﺎﻧﯽ ﭼﺎﻏﯿﺮﺍﻥ ﻭﻗﺘﻪ ﻧﮕﻬﺒﺎﻧﺪﺍﻥ ﺍﻭﺗﺎﻥ

ﯾﮑﻪ ﺗﺎﺯ ﺍﻭﻟﻤﺎ ﺑﻮ ﺍﻧﺪﺍﺯﻩ ﺑﯿﺮ ﺁﺯ ﺁﺭﺍﻡ ﺍﻭﻝ

ﻣﻠﺖ ﻏﻤﺰﺩﻩ ﻭ ﺑﯽ ﺳﺮ ﻭ ﺳﺎﻣﺎﻧﺪﺍﻥ ﺍﻭﺗﺎﻥ

ﯾﺮﯾﻨﺪﻩ ﯾﺮﻭﻥ ﺍﻭﺳﺘﻮﻧﺪﻩ ﺗﮑﺒﺮ ﺍﺋﻠﻤﻪ

ﮔﺌﺖ ﺍﻭﺧﯽ ﺁﯾﻪ ﺳﯽ ﻭﺍﺭ ﺁﯾﻪ ﻗﺮﺁﻧﺪﺍﻥ ﺍﻭﺗﺎﻥ

ﺳﮑﻪ ﺩﻥ ﺳﺎﻟﻤﺎ ﯾﺮﻩ ﺳﮑﯿﻪ ﺧﺎﻃﺮ ﺋﻮﺯﻭﻭﯼ

ﻏﯿﺮﺗﯿﻦ ﺣﻔﻆ ﺍﺋﻠﯿﻮﺏ ﺍﯾﺸﻠﯿﻦ ﺍﻧﺴﺎﻧﺪﺍﻥ ﺍﻭﺗﺎﻥ

ﮔﺮﮒ ﺩﺭﻧﺪﻩ ﺭﺑﺎﻧﯽ ﯾﻤﺰ ﺍﻧﺴﺎﻧﯽ ﯾﯿﺮ

ﺁﯼ ﺭﺑﺎﺧﻮﺍﺭ ﺑﺸﺮﺳﻦ ﺍﮔﺮ ﺣﯿﻮﺍﻧﺪﺍﻥ ﺍﻭﺗﺎﻥ

ﺳﻦ ﺑﯿﻠﻦ ﺣﯿﻠﻪ ﻧﯽ ﺷﯿﻄﺎﻥ ﻫﻠﻪ ﮐﺸﻒ ﺍﯾﻠﻪ ﻣﯿﻮﺏ

ﻗﺎﺑﺎﻗﺎ ﮐﺌﭽﻤﻪ ﺋﻮﺯ ﺍﺳﺘﺎﺩﻭﻭﯼ ﺷﯿﻄﺎﻧﺪﺍﻥ ﺍﻭﺗﺎﻥ

ﺑﺎﻻﺳﯿﻨﺪﺍﻥ ﺁﯾﻮﺭﻭﺑﺴﺎﻥ ﺁﺗﺎﻧﯽ ﺑﯽ ﺍﻧﺼﺎﻑ

ﺑﻮ ﮔﺌﺠﻪ ﮔﺌﺖ ﺍﻭﻧﯽ ﺁﺯﺍﺩ ﺍﺋﻠﻪ ﺯﻧﺪﺍﻧﺪﺍﻥ ﺍﻭﺗﺎﻥ

ﺁﯼ ﻃﺒﯿﺒﯽ ﮐﯽ ﻗﺴﻢ ﯾﺎﺩ ﺍﺋﻠﯿﻮﺑﺴﻦ ﺷﺮﻓﻪ

ﻧﺎﺧﻮﺷﺎ ﺭﺣﻢ ﺍﺋﻠﻪ ﺍﻃﻔﺎﻝ ﭘﺮﯾﺸﺎﻧﺪﺍﻥ ﺍﻭﺗﺎﻥ

ﺑﺴﺘﺮﯼ ﺍﻭﻟﻤﺎﻗﺎ ﺍﻭﻝ ﺩﺋﻤﻪ ﺑﺶ ﻣﯿﻠﯿﻮﻥ ﻭﺋﺮ

ﺳﺎﻝ ﻧﻈﺮ ﮔﻮﺯﻟﺮﯾﻨﻪ ﺩﯾﺪﻩ ﮔﺮﯾﺎﻧﺪﺍﻥ ﺍﻭﺗﺎﻥ

ﺋﻮﺯﻭﻭﯼ ﻓﺮﺽ ﺍﺋﻠﻪ ﺑﯿﻤﺎﺭ، ﺍﻭ ﺑﯿﻤﺎﺭﯼ ﻃﺒﯿﺐ

ﻏﯿﺮﺗﻮﻧﺪﻥ ﺑﺪﻧﻮﻥ ﺗﯿﺘﺮﺳﻪ ﻭﺟﺪﺍﻧﺪﺍﻥ ﺍﻭﺗﺎﻥ

ﺳﺎﺗﻤﺎ ﺁﺯﺍﺩﻭﻭﯼ ﺑﻮ ﺳﮑﻪ ﺁﺯﺍﺩﯼ ﻟﺮﻩ

ﺩﺋﻤﻪ ﺳﻮﻧﻠﺮ ﺳﻨﻪ ﻗﻮﯼ ﻟﮑﻪ ﺩﺍﻣﺎﻧﺪﺍﻥ ﺍﻭﺗﺎﻥ

ﺁﺩﯼ ﺁﺯﺍﺩﯼ ﺩﯼ ﺁﺯﺍﺩﻩ ﻟﺮﯼ ﺑﻨﺪﻩ ﭼﮑﻮﺏ

ﺋﻮﺯﻭﻭﯼ ﺣﻔﻆ ﺍﺋﻠﻪ ﺁﺯﺍﺩﻩ ﻣﺴﻠﻤﺎﻧﺪﺍﻥ ﺍﻭﺗﺎﻥ

ﺋﻮﻝ ﺁﺟﻮﻧﺪﺍﻥ ﻭﻟﯽ ﺁﻟﭽﺎﻗﻼﺭﺍ ﺗﻌﻈﯿﻢ ﺍﺋﻠﻤﻪ

ﺗﺸﻨﻪ ﻟﺐ ﺟﺎﻧﯽ ﭼﯿﺨﺎﻥ ﺷﺎﻩ ﺷﻬﯿﺪﺍﻧﺪﺍﻥ

ﺍﻭﺗﺎﻥ

 ﺩﺋﺪﯼ ﻣﻦ ﻗﺎﻥ ﺍﯾﭽﺮﻡ ﻧﺎﻥ ﺗﻤﻠﻖ ﯾﺌﻤﺮﻡ

ﺩﻭﻏﺮﺍﺳﻮﺯ ﻫﺮﺯﻩ ﯾﺰﯾﺪﻩ ﺑﻠﯽ ﻗﺮﺑﺎﻥ ﺩﺋﻤﺮﻡ..

‏(ﺣﺴﯿﻦ ﻏﻔﺎﺭﯼ ﺍﺭﺩﺑﯿﻠﯽ")